Williamnagar, Oct 27: October-ni 25 aro 26 tarikrango salgnina, brigipa 50 Drums Wangala festival ba dama bol 50-ko doke Wangala manianiko, Manda Nokpante A·chik Culture Society, Williamnagar jilla samba jolo donggipa Balchol A·bri songo ong·atangaha.
Ia dama bol 50-ko doke Wangala maniani skanggipa sal, chong·motan Sukrobar salo, ia maniani nisanko songdoangani ja·man, Rugala maniani aro jatni kal·susaanirangkoba ong·atangaha.
Ia Wangala maniani gnigipa sal, chong·motan Sonibar salo, Wangala chrokanirangko nikangna gita man·aha aro ia salo, Meghalaya Legislative Assembly-ni Speaker, Thomas A Sangma, mongsonggipa sokgipa ong·e bak ra·angaha. Ia Wangala maniani gnigipa salo, Williamnagar-ni MLA aro Cabinet Minister Marcuise N Marak baksana dingtang dingtang official-rangba bak ra·angtokaha.
Ia tom·anio, Meghalaya Assembly-ni Speaker Thomas A Sangma, jinmana aganprakangengon, ia 50 Drums Wangala manianiko a·bachengdilahani gimin Williamnagar-ni MLA Marcuise N Marak-ko mittelpilangenba, Wangala manianikosan ong·ataigija A·chik jatni niam reti aro dingtang dingtang daka rikani program-rangkoba ong·atchina gita Manda Nokpante A·chik Culture Society-ko didiangaha.
A·chikrangni dingtang dingtang dakbewal rikbewalrang, jekai ‘Nokchame gaani’ aro uandakgipa kamrangni bidingo manderangna u·iatna gita program-rangko ong·atna nangengani giminba Sangma janapangaha.
Iana skang, a·dokni Cabinet Minister aro Williamnagar-ni MLA Marcuise N Marak-ba jinmana aganprakangengon, ia 50 Drums Wangala manianiko ong·atanio chu·sokgipa ong·ahanina Manda Nokpante A·chik Culture Society aro sorkari official-rangko mittelpilangaha.
A·chikrangni daka rikanirangko ripingna nangengani gimin janapangengon, torom aro jatni daka rikanio dingtanggrikaniko ma·sie ra·china gita ua jolo songdongenggipa manderangko didiangaha.
Ia Wangala manianiko ong·atanio mikkarang wagenchimoba, Rapdikgre Wangala Group, Williamnagar Art and Culture Wangala Group, Williamnagar Government College, aro Manda Nokpante A’chik Culture Society bakko ra·e uamangni chrok mesaanirangchi manderangko an·saoatangbeaha aro uamangna ia Wangala manianio okamatako man·e re·bagipa manderangni jakchi boksisrangko on·angaha.
Ia 50 Drums Wangala manianiko ong·atani bidingo, Manda Nokpante A·chik Culture Society-ni president W Ch Marak, Hub News-na talate on·angengon, ia manianiko ong·atna gita Williamnagar-ni MLA Marcuise N Marak, tangka paisarangko dakchake on·aha ine parakataha.
Batanggimin bilsirangona bate ia chang ia dama bol 50-ko doke Wangala maniani nambataha ine janapatengon, mikkangchiba ia Wangala manianiko uamang ong·atangkugen ine Marak ku·rachakaniko on·angaha.
Na·simang ia video-koba nina man·gen:
Na·simang iakoba poraina man·gen: Capt Williamson Memorial Football Tournament-ko Green FC chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
