Williamnagar, Apr 2: Kacharini ge•etaniko man•ani ja•man, Williamnagar-oni bilsi 22 ong•gipa chadambe Weghara R Marak-ni manggisiko bilsignini ja•man cho•piltaiaha aro ia manggisiko cho•pilanio, Executive Magistrate JR Marak, Williamnagar Crime Branch-ni DSP Subir Sangma, Rongjeng-ni CI Selvis A Sangma aro Weghara R Marak sagini ma•drangrangba dongpaaha.
Ia chadambeni manggisiko cho•piltaiani ja•man, Tura Civil Hospital-ni Forensic Medicine Expert Dr AR Marak-ni jakchi post mortem-ko ka•aha.
Salseng M Sangma-ni degipa Weghara R Marak, 2023 bilsini February 25 tariko, Williamnagar-oni kilometer 12-mang chel•ao donggipa Dorengkigre songni feet 120-na bate chugipa Jadi Dare kosakoni ga•akonenba sina nangahachim.
Indake ong•genchimoba, sianggipa chadambeni pagipa Salseng M Sangma, ia a•sel ong•aniko jegalenba, indita chua biaponi ga•akgenchimode maikai jakrani natengo matani chin aro sko janggilo ning•tue bu•ani chinna agre be•enni gipin bakrangde maming mata bu•ani aro be•ani gri name dongaha ine sing•doskaaha.
Indita chua biaponi ga•akeba unsalo uni gangipa ganding chindingrang aro kori maikai maming nosto ong•a gri name dongaiaha ineba Sangma sing•doangaha.
A•bachengo am•sandie man•anirangko chu•ongnikjae ja•mano sianggipa chadambeni pagipa, High Court-o mokordoma ka•skaaha aro ja•mano kachari, ia chadambeni manggisiko post mortem ka•na gita cho•piltaichina ge•etaniko on•angaha.
Da•o dipet forensic expert-ni report-rangko man•kujaengani gimin ia a•selni bidingo kakketko aganna gita man•kujaenga.
Na·simang ia video-koba nina man·gen:
Na·simang iakoba poraina man·gen: Meghalaya sorkari chu palgipa dokkan aro chu chimongchakram a·damrangna gital licence on·anirangko dikdiksana dontongata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
