Williamnagar, May 7: East Garo Hills District Sports Office-ni ong•atenggipa District Level Inter School Athletic Meet-ko Budbar sal dipet, Williamnagar-ni District Sports Association Stadium-o a•bachengataha aro ia Athletic Meet-o Williamnagar jolo donggipa dam 17 skulrangoni sak 400-na baten chatro chatrirang bak ra•enga.
Ia Inter School Athletic Meet-ko, East Garo Hills a•jani District School Education Officer Santimoy D Marak, mongsonggipa sokgipa ong•e a•bachengate on•angaha aro ia kal•suaaniko a•bachengate on•angengon, kal•susaanirangkoba janggi tanganio mongsonggipa bak gita ra•china chatro chatrirangko didiangaha. Kal•susaanirango bak ra•anichi an•seng baljokaniko man•an baksana namgipa bewalrangkoba skie ra•na man•a ine janapatengon, kal•susaanirango gisik nange bak ra•anichi Mary Kom gita janggi tanganio chu•sokgiparang ong•na man•a ine Marak, toe aganangaha.
Iana skang, East Garo Hills a•jani District Sports Officer Babira G Momin, kal•susaanio bak ra•enggipa chatro chatrirang aro skigiparangna rimchaksoani kattarangko aganangengon, ia kal•susaanio an•tangtangni nambatgipa on•china aro namgipa bewalo kal•susachina chatro chatrirangko didiangaha.
Re•baenggipa May 19 tarikoni 23 tarikona Shillong-o State-Level Athletic Meet-ko ong•atengani gimin ia District Level Inter School Athletic Meet-ara, East Garo Hills a•jani kal•susagiparangko seokani gita ong•enga ineba Momin aganaha.
State level-o chu•sokgiparangkode National Athletic Meet-o bak ra•na seokangskagen ineba ua parakataha.
Ia District Level Inter School Athletic Meet-ko ong•atani bidingo Hub News baksa agangrikengon, ian East Garo Hills a•jao kal•na changgipa sapgiparangko sandina ong•ataniba ong•enga ine District Sports Officer Momin aganaha. Kal•susaanirango chu•sokangenggipa chadamberangna a•dok sorkari, dingtangmancha scholarship-rangko on•e dakchakenga aro district level-oba iandake kal•susaanirango chu•sokgiparangna dingtang dingtang boksisrangko on•enga ineba Momin aganaha.
Na·simang ia video-koba nina man·gen:
Na·simang iakoba poraina man·gen: Nazareth Hospital-na cr 1-ni cheque-ko CM on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
