Williamnagar, Jun 23: International level ba a·gilsakni gadango chatro chatrirangko politics-ni kamrango aro dingtang dingtang kamrango bakko ra·china didina Meghalaya Model United Nations (MMUN)-ni gita, gnigipa changna Garo Hills Model United Nations Conference-ko Williamnagar-ni Loyola College-o ong·atangaha.
Ia MMUN-ara, a·gilsakni dingtang dingtang neng·nikanirang, a·songrangni gisepo meli-nangrimani aro United Nations-ni kamrangni bidingo chadamberangna skie on·gipa UN-ni dol ong·a aro ia conference-ko ong·atanio, United Nation Environment Assembly (UNEA), United Nations Commission on the Status of Women (UNCSW), General Assembly-Disarmament & International Security Committee (DISEC), Mock Legislative Assembly (MLA) aro International Press Corps (IPC)-ko daksningenba, Garo Hills-ni dingtang dingtang a·jarangoni ritchani ritcha delegate-rangko sokachakaha.
Ia conference-ko a·bachengatanio, East Garo Hills a·jani Superintendent of Police (SP) Stephen A Rynjah, mongsonggipa sokgipa ong·e, chatro chatrirangna aganprakangengon, chatro chatrirangni u·i-ma·sianirangko bariatna gita skulni lesson-rangkosan ong·aigija a·gilsakni dingtang dingtang kamrangni giminsa skie ra·na nangani gimin aganangaha.
Ia conference-ko matchotatani somoio, Meghalaya Chief Minister-ni OSD aro Press Secretary Saidul Khan, chatro chatrirangna aganprakangskaengon, Ganol chiringoniko an·cheng kitengani a·sel maikai samtangtango ong·telaigiparangna nangchakeaniko ra·bana man·gen, uarangni gimin agan-talatanirangko on·angaha.
Mandeni torom aro jatni apsan niamrangko ja·rikna gita ma·mong sorkarini ra·gatna miksongenggipa Uniform Civil Code (UCC)-ni giminba Khan, ia tom·bimonganio chatro chatrirangna agan-talatanirangko on·angaha.
Ia Garo Hills Model United Nations Conference-ko salgittamna ong·atangaha aro ia conference-ni committee ge·antio chegiparang, re·baenggipa August 23 tarikoni 25 tarikona Shillong-ni NEHU-o ong·atna sienggipa main Shillong Conference-ko bakko ra·ena gita cholrangko man·gen.
Na·simang ia video-koba nina man·gen:
Na·simang iakoba poraina man·gen: Tura-o Int’l Day Against Drug Abuse & Illicit Trafficking-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
