Williamnagar, Apr 24: East Garo Hills District Sports Office aro District Sports Promotion Society-ni ong·atenggipa Williamnagar Open Futsal Tournament-ko Bristibar salo, Rongrenggre kal·chakramo a·bachengataha aro ia kal·susaanio gimik dol 32 robol kal·giparang bak ra·enga.
Ia Futsal Tournament-ko a·bachengatanio, Sports & Youth Affairs-ni gitcham Deputy Director Jasper P Marak, mongsonggipa sokgipa ong·e, ia kal·susaaniko a·bachengate on·angaha.
Ia Futsal Tournament-ko a·bachengataniona sokbagiparangko East Garo Hills a·jani District Sports Officer Babira G Momin, rimchaksoangengon, ian Garo Hills-ni chadamberangna cholrangko on·na miksonge ong·atenggipa Futsal Tournament ong·a ine parakataha.
Ia tom·anio, Sports & Youth Affairs-ni gitcham Deputy Director Jasper P Marak-ba jinmana aganprakengon, ia kal·susaanio dongpae bak ra·pana man·ahani gimin an·tangni kusi ong·aniko parakangenba, FIFA-ni ra•chakmangimin futsal kal·susaani da·o Meghalaya a·dokko man·chape, India a·song gimikon mingsing minggamaniko man·engaha ine parakangaha. Mikkangchi futsal kal·chakramrangko a·dokoba rikgnok ineba Marak, an·tangni ka·dongchakenganiko parakangaha.
Re·baenggipa 2027 bilsio National Games-ko Meghalaya a·doko sokchakna sienga ine jinmana gisik ra·attaianiko on·angengon, ia kal·susaanio bakko ra·na gita da·onin an·tangtangko tarisamsotokchina Marak, chadamberangko didiangaha.
Ia Futsal Tournament-ko a·bachengatanio changchet kal·susaanirangko ong·atangaha aro ia kal·susaanirangko nie Williamnagar-ni manderang namen an·saoataniko man·tokaha.
Final ba bon·kamgipa kal·susaaniko re·baenggipa April 28 tariko ia apsan biapon ong·atanggen.
Na·simang ia video-koba nina man·gen:
Na·simang iakoba poraina man·gen: Pahalgam-o so·ota man·gipa IAF official-na Arunachal kalima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
