Williamnagar, Feb 12: Williamnagar jolrango para salenggipa garirangni dol, chong•motan Williamnagar Local Taxi & Local Public Carrier Owners Association-ni annual general meeting ba bilsini tom•bimonganiko Budbar salo, Chisobibra IB-o ong•atangaha.

Ia tom•bimonganio association-ni account report-rangko nipilangan baksana uamangni niamrangko nipilange, adita gital niamrangkoba dondapangaha.

Association-ko dilenggiparangna dongimin term ba somoi matchotahani gimin association-ni gital dilgiparangko seokani giminba ia tom•anio chanchirimangaha. Gital dilgiparangko seokna dongimin nomination committee-ni convenor Lenith Ch Marak, ia gital dilgiparangni bimingrangko jinmana parakatengon, gitcham dilgiparangni dilanichisa ia association tang•dona a•bachengahani gimin aro uamang kakket aro bebeo kamrangko ka•dilahani gimin ia changoba gitcham dilgiparangkon seoktaina tik ka•angaha ine aganaha.

Seoka man•taigipa association-ni president aro gipin dilgiparang, kamtangtangko jako ra•taina jechakahaoba jinma uamangni diltaianiko nangnike jakrangko songe ra•chakahani gimin ja•mano uamang kamtangtangko ra•piltaina ku•rachakaha.

Uandaken ia association-ko dilangkuna gita seoka man•gipa manderangara, president-na Sengchang N. Marak, vice president-na Trimbart R. Sangma, secretary-na Lucking M. Marak, joint secretary-na Mano G. Momin, accountant-na Makingstone R. Marak, treasurer-na Barth Ch. Marak aro stock-keeper-na Lenpison M. Sangma aro Puniram Sangma ong•a.

Na·simang ia video-koba nina man·gen:

Na·simang iakoba poraina man·gen: SWGH-o Chilarai Divas-ko MKSU manidila

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub