Williamnagar, Nov 10: Re·anggipa November 7 tarikoni 10 tarikona Williamnagar-ni Sacred Heart Parish-o Parish Day-ko maniangaha aro ia manianio Williamnagar jolo donggipa pamongrang, sisterrang aro Williamnagar Parish-ni bang·bea manderangba bak ra·angtokaha.
Ia Parish Day-ara Parish-ni membor-rangna, jinma tom·chimonge, an·tangtangni bebera·aniko bilakbatatna aro saksa sakgipin baksa an·tangtangni u·i-ma·sianirangko agangrikna chol ong·a.
Parish-ni gitcham sal somoirangko nipilna, saksa sakgipinko dakchakgrikna an·tangtangko on·kangtaina aro Parish-ni gital membor-rangko rimchaksona gitaba ia salara namgipa chol ong·a.
Robibar salo, Holy Mass ba Rongtalgipa Misa Boliko Jengjal Parish-ni Fr Lenus R Marak dilangaha aro ia olakkianio ua jinmana Isolni namgipa kattarangko aganprakangengon, Katchinikgipa Elijah aro segri me·chik Zarepath-ni golpoko aganenba, Isolni tipchanggijagipa ka·saani bidingo agan-talatanirangko on·angaha.
Pangnan an·tangtangni nambatgipakosa Isolna on·china didiangengon, pamong ong·e Isolna dangdike on·na gita an·tangtangni ka·sabatgipa dedrangko Isolona watatchina Fr Marak, ma·a paarangko didiangaha.
Ia dingtangmanchagipa salko manianio sak 104-mangni gita bi·sarang, First Communion ba skanggipa Gitelni Meattamko ra·angtokaha. Ia tom·anio bi·sarang knatobegipa gitrangko ring·anichiba manderangko an·saobatataha aro manderang ia tom·anio, Isolna aro Parish-na ka·saaniko mesokna gita an·tangtangni boksisrangko on·angtokaha.
Rongtalgipa Misa Boli matchotani ja·man manderang, Jisu Kristoo bebera·aniko, mande ra·aniko aro on·kanganiko mesokna gita Eucharistic Procession ba jinma re·jomanioba bak ra·angtokaha.
Ia Eucharistic procession ba re·jomaniko Sacred Heart Parish-oni a·bachengate, Fire Brigade Junction, Soil Junction aro DC office Junction gita ong·atangenba Sacred Heart Parish-o matchotateaha.
Na·simang ia video-koba nina man·gen:
Na·simang iakoba poraina man·gen: Assam-ni Samaguri constituency-o so·sojengjeng ong·anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
