Williamnagar, Apr 20: Williamnagar-o skanggipa changna East Garo Hills District Sports Office, Meghalaya Canoe Association (MCA) baksa nangrime Kayaking Awareness program-ko Nokgil A·we-o donggipa Simsang chibimao ong·atangaha aro ia program-ko ong·atanio bilsi 12 aro bilsi 16-ni gisepo ong·gipa chadamberang, sak 80-na baten bak ra·angtokaha.
Ia Kayaking Awareness program-ko East Garo Hills a·jani District Sports Officer Babira G Momin aro uni dolni dilanichi, chio kal·susaanirangko tang·doatna aro changgipa sapgipa chadamberangko sandie, mikkangchi dingtang dingtang kal·susaanirango bak ra·atna gita ong·atangaha.
Ia program-ko ong·atanio, Coach Ian Vincent, MCA-ni president W Manners, secretary Sheela Vincent aro gipin membor-rang, ringrangko choani bidingo agan-skie on·anirangko dakangan baksana ring choanikoba program-o bak ra·gipa chadamberangna dake mesokangaha.
Ia Kayaking Awareness program-ko ong·atanio, East Garo Hills a·jani Deputy Superintendent of Police (Crime Branch) Subir Sangma, mongsonggipa sokgipa ong·e aganprakengon, ia program-o bak ra·e kayaking-ko skie ra·ahani gimin chadamberangko mittelpilangenba, kal·susaanirango gisik nangchina chadamberangko didiangaha.
Ian Williamnagar-na namen gisik ra·beani somoi ong·a ine janapatengon, ian bakkandikbegipa program-sa ong·genchimoba chadamberangni nambee dakmesokaniko nike ua namen aiao inmanbeaha ine Sangma aganaha.
Ia program-ko nambee matchotatna man·ahani gimin aro chadamberangko ia program-o bak ra·e kayaking-ko skie ra·na gita didiahani gimin MCA-ni president W Manners-ba East Garo Hills a·jani District Sports Officer-ko mittelpilangaha.
Ia awareness program-ko, chadamberangni gisepo ring chosusaate matchotataha aro ia program-o bak ra·gipa chadamberang, an·tangtangni skie ra·gimin changa sapanirangko mesokna cholko man·aha.
Ia program-ko ong·atani bidingo Meghalaya-ni Coach Ian Vincent, Hub News baksa agangrikengon, ia jolni chadamberang, chirango jrona changgiparang ong·ani gimin ringrangkoba chona sapgiparangan ong·a ine chadamberangko mittelpilangaha. Ia program namen chu·sokgipa ong·aha ineba Vincent aganaha.
Na·simang ia video-koba nina man·gen:
Na·simang iakoba poraina man·gen: Arunachal Pradesh-o bijolirangko ra·baani aro watanirangko namdapatna nangenga : Chowma Mein
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
Download our app from playstore – Northeast Media Hub
