Tura, March 21: Dadenggre Civil Sub-Division-ni Sub-Divisional Officer (Supply), bregiparang ong·e uamangni bilko manderangna u·iatan baksana mikrakataniko on·a aro pangkamgipa janggi tanganiko ra·dona miksonganio, West Garo Hills-ni Bhajamara Secondary School-o World Consumer Rights Day-ko March jani 21 tariko ong·atangaha.
Tom·anio mongsonggipa sokgipa, Assistant Commissioner of Food Safery, Tangme Ch Marak, an·seng baljoke janggi tangna nangchongmotani baksana komia damo man·gipa aro sam-tangtango donggipa ong·telaigiparangna nosto ong·aniko ra·bagijagipa bosturangko jakkalani bidingo aganangaha. Una agreba, bosturangko breon FSSAI-ni “F” logo ba chin donggipa cha·ani bosturangko nie breaniko dakchina aro iani bidingo gipinrangna u·iate on·china gitaba ua ku·pattianiko on·angaha.
Supply-ni Superintendent, N D Marak, naljokani, basee ra·ani, badi ka·ani, kakket bichalko am·ani, namgipa aro rongtalgipa sam-tangtang aro nangchongmotgipa bosturang man·aniko man·chape bregiparangni ming 6 bilrangni gimin u·iatangan baksana, sakantikon an·tangtangni bilrangko u·ie ra·china aro bosturangko breengon simsakchina gitaba ua didiataha.
Inspector of Supply, Jakjeep R Marak, NFSA Act 2013-ni bidingo talate on·angaha, jean nanggipa bosturangko name suale on·a gita dakchaka. Uasan ong·aigija, ua dingtang dingtang gadangni manderangna dakchakaniko on·enggipa sorkarini scheme-rang jekai AAY, PHH aro NPHH-rangni bidingoba talatangaha.
Sub-Inspector of Supply, Salchra N Sangma, ration card-o maina e-KYC, Aadhar, phone number aro account-rangko on·a gita nangchongmotachim uni gimin talatangskaaha. Ian sorkarini on·enggipa nangchongmotgipa namgnirang jekai, cha·ani aro gipin nanggipa bosturangko altuae man·a dakchaka.
Na·simang ia video-koba nina man·gen:
Na·simang iakoba poraina man·gen: Karnataka-o bisi gnang cha·aniko cha·mane a·sel ong·anio jak donggipa sakdokko rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
