Shillong, Aug 9: Budbar salo, North East Indigenous People’s Forum (NEIPF) Meghalaya Chapter-ni gita World Indigenous People Day-ko Shillong songjinmani NEHU Multi Conventional Hall-o manidilangaha aro ia salko manianio Meghalaya a•dokni Chief Minister Conrad K Sangma-ba dongpae bak ra•angaha.
Ia salko manianio a•dokni Chief Minister, jinmana aganprakangengon, salgro salaram jolo songdongenggipa Tribal manderangni dingtang dingtang neng•nikanirangko simsak nirokanian uni mongsonggipa skani ong•a ine janapatenba, Tribal manderangni daka rikani aro ong•baaniko ripinganian pilak political dolrangni aro dingtang dingtang dolrangni nangnikaniba ong•a ine parakataha.
Janggi tanganio pangnan ‘reservation’ ba an•tangtangna kange donanirangosan pangchake dongaijachina gita Tribal manderangko didiatengon, a•gilsakni gipin biaprango songdongenggipa manderang baksa susapana man•na gitasa an•tangtangni chanchiani bewalko dingtangatchina gita Sangma, salgro salaram jolni chadamberangko didiangaha.
Salgro salaram a•dokrango songdongenggipa dingtang dingtang Tribal jatrangni gimin see rakkina gita jotton ka•china ua NEIPF-koba ku•pattiangaha.
Manipur a•doko ong•enggipa obostarangna an•tangni suk ong•gijaniko parakatengon, Manipur a•doko ong•enggipa obostarangko namatna aro tom•tomaniko ra•bapilna kamko ka•china NEIPF gita dakgipa dolrangko Chief Minister didiangaha.
Ia tom•anio a•dokni Chief Minister, ‘Indigenous 2023’ ingipa ki•tapkoba oprake on•angjolaha.
Iakoba poraie nina man·gen: Assam, Pub Haldibari-ni NH-37 ramako Royal Bengal matcha mangsani batsotako manderang niktoka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
