Ampati, July 13: South West Garo Hills-ni Deputy Commissioner, Hema Nayak, sukrobar salo World Population Day aro Stop Diarrhoea Campaign-ko Dinangpara SSA School-ni kal•chakramo a•bachengate on•angaha.
Dinangpara aro uni sepangjolo donggipa songrango, bilsi 5 gapgija bi•sani sianirangko aro sanna bannanirangko ra•na gonggijagiparang bang•ani gimin, South West Garo Hills-ni District Health Society ia program-ko ia biapo ong•atangaha.
SWGH-ni Deputy Commissioner Hema Nayak, ia tom•anio aganengon, bi•sa ba•anio adita bilsi donchange ba•ani gamchatani aro chongipa nokdangko rikna gita dakchakniko bang•a dingtang dingtang sanram biaprango on•ani giminba u•iatangaha. Una agreba, diarrhoea man•e bi•sarangni sianiko champengani cholrangko aganan baksana, diarrhoea man•gnioniko naljoke dongna aro somoi gita sanna bannaniko on•a nangani giminba ua u•iatangaha. Iani gisepon, pilak ma•a parangkon bi•sana man•a dipet noko man•gipa cha•a ringanirangko bi•sana on•china aro biji suani aro be•enna nanggipa cha•anirangko bi•sana on•a nangchongmotani giminba ua aganangaha.
Ia program-ko ong•tanio, District School Education Officer In-charge, Tapos Marak, be•en bimangko an•seng baljoke rakkiani namgnirangni gimin skie on•ani gamchatani gimin aganangskaaha. District Malaria Officer-ni I/C, District Maternal and Child Officer, Dr Lydia Marak, Stop Diarrhoea program aro World Population Day-ni gimin agan-talate on•angan baksana, Malaria, Dengue aro Japanese Encephalitis sabisiko champengsoani cholrangni giminba aganangaha.
Ia program-ona, dingtang dingtang department-rang jekai, ICDS department, Self Help Group-rang aro Village Health Council (VHC)-ni member-rangba bak ra•angpaaha. District Immunization Officer, Dr. Samson Sangma, ka•dongani kattarangko agane ia praogram-ko matchotatan baksana songo noko donggipa manderangni namgnina an•tangtangko on•kange kam ka•anina District Health Society-koba demittele aganangaha.
Ia program-ko ong•atani bak gita, ia salo indin sanna bannanikoba ong•atangaha jeon sak 200 mangna batpile songni manderangna namgniko ra•baaha. Ia campaign-ko ong•a jaman, bilsi 5 gapna skang bi•sarangni siani bidingo aro an•o donggipa ma•arangna sanna bannaniko on•a a•bachengatani gimin VHC-ni member-rang tom•aniko ong•atangaha, jeon VHC-ni member-rang sanna bannaniko ra•na gita neng•nikanirangko man•engani bidingoba u•iatangaha, jekon health department-ni gita chanchirimaniko dakanggen ine ku•rachake ra•angaha.
Na·simang ia video-koba nina man·gen:
Na·simang iakoba poraina man·gen: Bangladesh-oni napsrukbagipa sak 10 manderangko Tripura-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
