Tura, Sept 11: Gisikni an·seng-baljokani gimin manderangna agan-ma·siate on·na gita bilsiantian September 10 tariko manirongbaenga gita, World Suicide Prevention Day-ko, West Garo Hills a·jani District Mental Health Programme dingtangmancha jako ra·enba mija Robibar salo, Tura-ni DC Park-o programko ong·ate maniangaha aro programo, Clinical psychologist, Narbecca G. Momin, psychiatric social worker, Bilgrak D. Marak aro DMPH-ni gipin staff-rangba dongpae bak ra·angaha.
Ia salko manianio, Tura Civil Hospital-oni saksa a·gipi Psychiatrist, Dr. Bollen Sangma, Hub news koborna aganangengon, an·tangni janggiko ra·aniko chelchaksoani gimin ba gisikni saani biati ba chinrangni aro a·selrangni gimin aro uarangko maikai sandie u·ina man·gen, aro uarangoniko maikai warachaksona man·gen iarangni gimin agan-talataniko dakangaha.
2021-o sandirikite man·ani gita India a·songo minute prakon an·tangtangko so·ote sigiparang bang·en gnang aro ian tangka paisani gita neng·nikanichi, mikcha-ka·sagrikanio meli-nangrimgijanichi aro pekgipa bosturangko jakkalanichi ong·rongbata ine janapangenba, iandakgipa gisikni sabisiko man·enggipa manderangko uamangni dingtang dingtang dakgipa bewalrangchi ma·sina gita man·a aro iandakgipa bewalrangko u·igenchimode docter ba councellor-ko grongchina gita uamangna ku·pattianirangko on·china sakantikon didiangaha.
Unbaksana, gisikni gita sinjetaniko man·enggipa manderangko nikgenchimode, Facebook page-o donggipa District Mental Health Programme-ni nomborona ka·atenba uamangni team-na u·iatchina gitaba ua didianiko on·angjolaha.
Iakoba poraie nina man·gen: Meghalaya College Teachers Association NCMko ong•tangkuna tik ka•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
