Tura, Feb 4 : “Protecting Wetlands for Our Common Future” ingipa katta bichongko done, West Garo Hills, Selsella-ni ning•o donggipa Chirakhawan songni Boaldari Beel-o World Wetlands Day-ko maniangaha, jekon East aro West Garo Hills Wildlife Division-ni District Forest Officer, Meghalaya State Wetland Authority baksa nangrime ong•atangaha. Ia tom•bimonganio jolni dilgiparang, samtangtango donggipa ong•telaigiparangni gimin u•i ma•sigiparang aro gipin member-rangko man•chape sak 80 manderangna agreba, Tura Protection Range-ni RFO, Suman B Marak, Garo Hills Wildlife Protection Society-ni President Sengkam Sangma, Chirakhawan SSA UP School-ni Headmaster Prosanto M Marak baksana Chirakhawan songni nokma Sena Ch Sangma-ba dongpae bak ra•angpaaha.
Ia tom•anio, Meghalaya Wetland Conservation Authority-ni biologist Wanri Bakodon Kharsahroh, wetland conservation-ni bidingo nambegipa session-rangko on•angaha jeon a•a chijimgiparang maikai ong•telaigiparangko apsangrik ong•e dongna dakchakan baksana janggi gnanggiparangna dakchakaniko on•a uni gimin skie on•anirangko dakangaha.
Na·simang ia video-koba nina man·gen:
Na·simang iakoba poraina man·gen: Arunachal Pradesh, bilsi 32-ni gisepo dot 110 tin•kagimin suri-rang jronge galaha ine poraie nianio u•ina gita man•aha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
