Tura, October 22: A·chik Literature Society, Tura, 21st October, 2023, tariko Department of Garo, NEHU Tura Campus, Tura baksa nangrime Regional Writers’ Meetko Christian Girls’ Higher Secondary School, Tura-o ong·ataha. Iano dingtang dingtang college aro universityoni – Mendipathar College, University of Science & Technology (USTM), Don Bosco College, Tura, Don Bosco College Higher Secondary School, Tura, North-Eastern Hill Universityni Department of Garo, MSW, ICFAI University, Tura Government College, Durama College, Miriam Russel Women’s College, Tura, PASF-Abong Noga College, Tura-oni chatro-chatrirang uamangni poedorangko poraiaha. Ia poedorangni themeranga ma·a-paani dedrangna ka·saani, seng·ani andalako amani, a·songtangna ka·saani, ku·tangna ka·saani, daka-rikani, janggi tanganio rasong chaani aro gipinrang ong·a.
Kroshnil D. Sangma, saksa niksenge ki·tap segipa, uni poedo Chera Solako poraia baksa, da·ororo Garo Hillo donggipa Lower Primary Schoolrango ong·enga obostarang aro neng·nikanirangko seako poraiaha. Hiracliush M. Sangmani minggni poedorangko poraiaha. Iano A·chik Literture Societyni gipin Executive Memberrangba an·tangni poedorangko poraiaha.
Ia programo, A·chikkuo poedo aro gipin bimangrango seao namdapatna nanganirangko mesoke, Prof. Caroline R. Marak, President ALS, Dr. Jacqueline R. Marak, Head Department of Garo, NEHU, Tura Campus, Dr Angela W. Ingty, Prof Fameline K. Marak, Dr. Dokatchi Ch. Marak, Venybirthseng Ch. Marak, Dr. Jobillyne D. Shira, Dr Colnat B. Marak, aro gipinrang aganaha.
Bilsini gisepo poedo aro gipin bimango seaniko skie on·na workshoprangko ong·atna nanganiko nikaha. Ia Regional Writers’ Meetko ong·atani miksongania chadamberangko poedo, dakmesokani, ku·akmao sena didina aro A·chikku sea-jotako mikkangchi chubata gadangona ra·dona ong·a.
Iakoba poraie nina man·gen: Chi banani ja·man North Sikkim-ona dakanggipa ramarangko taripilenga
Watch
