Tura, Jun 21: Yoga kal•aniara India a•songo a•bachenggipa be•enni ranta ka•ani ong•a aro Yoga-ko ranta ka•anichi be•en aro gisikni gita an•seng baljokaniko man•na ama ine International Yoga Day-ko maniani salo, Yoga & Naturopathy aro Yogic Science-ko Sri Sri University-o Masters dakgipa chatri Farrah T Sangma parakataha.
Tura-ni chatri Farrah T Sangma, Fashion Designing-ko poraia matchotenba, Mumbai aro Bangalore songjinmarango designing-ni kamrangko ka•ani ja•man gisikni gita chu•ongnikaniko man•jae Yoga & Naturopathy-ko Orissa a•dokni Sri Sri University-o Masters Degree-ko poraidapeaha.
Uni ja•man ua Bangalore songjinmani The Art of Living Organisation-o Yoga-ko a•bachengaha aro Yoga-ko ranta ka•e niani ja•man be•en aro gisikni gita an•senganiko man•e aro gipinrangoba dingtanganiko nike ua Yoga-ni bidingo ma•sibate ra•na gita Yogic Science-ko Odisha-ni Sri Sri University-o poraidapangkuaha.
Uni poraiengmiting somoirangoba ua graduation project-na Yoga-ko skie on•aha aro poraia matchotani ja•man ua Bangalore School-o bi•sarangna aro manderangni nokrangona re•e, mongsongbate corporate field-o kam ka•giparangna Yoga-ko skie on•na a•bachengaha.
Uni ja•man Farrah T Sangma, UAE a•songni Intercontinental Fujairah Resort-o Yoga Instructor-ni kamko ka•eskaaha aro ia kamko ka•engmiting somoio ua dingtang dingtang a•songni manderangna be•en aro gisikni gita an•seng baljoke dongna Yoga-ko skie on•angaha.
UAE a•songo bilsigittam atana kam ka•ani ja•man ua songtang Tura-ona re•bapile bilsisana Yoga-ko skie on•angskaaha. Bilsisana Tura-o Yoga-ko skie on•ani ja•man Farrah, Maldives a•songona re•angskaenba, skanggipao ua Huvafen Fushi Resort-o bilsisana aro uni ja•man Patina Maldives Resort-o da•ona kingkingan Yoga-ko skie on•skaengaha.
An•tangni Yoga ranta ka•aniko manderangna skie on•ani bidingo Hub News-na agan-talate on•angengon, ua an•tangan Yoga-ko ranta ka•anio be•en aro gisikni gita an•seng baljokaniko man•ahani giminsa sakgipinrangkoba be•en aro gisikni gita an•seng baljokgipa ong•atna sike Yoga-ko skie on•enga ine Farrah aganaha.
“Na•a be•enni gita nitoe donganiko nangengama, ma gisikni gita neng•gokaniko namatna nangnikengama ma gisiko dongtoaniko nangenga, Yoga-ko ranta ka•anian ia pilakkon nang•na on•na man•gipa ong•a,” ine Farrah aganaha.
Na·simang ia video-koba nina man·gen:
Na·simang iakoba poraina man·gen: Chang 10-gipa Int’l Yoga Day-ko a•songni PM Modi manidila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
