Guwahati, Dec 13: Assam Police-ni Special Investigation Team (SIT), Zubeen Garg sagini siani bidingo chargesheet-ko segata jaman uni jikgipa Garima Garg, uni bang·a namnikgiparang baksa Sukrobar walo Guwahati sambao donggipa Sonapur-o Zubeen Garg Samadhi Khetra-ona re·ange bi·ani baksana mande ra·aniko dakangaha.
Garima Garg-ko samadhi-o a·aoniko tarigipa chakkirangko so·e bi·aniko nikna man·engon, Zubeen sagiko namnikgipa bang·a manderangni uko so·chakgipa biapo tom·aniko nikna man·aha.
A·bachengo, Assam Police (CID)-ni SIT dol, Kamrup (Metro)-ni Chief Judicial Magistrate (CJM)-ni mikkango chargesheet-ko segatahachim. Zubeen Garg sagi, Singapore a·songo re·anggipa 2025 bilsini September 19 tariko u·ina man·gijagipa a·selo siaha jeni a·selan bang·a manderangni una kakket bichalko ka·e on·china dabianiko nikna man·aha.
Official-rangni u·iatani gitade, ia chargesheet-o sak 300 manderangni agangipa kattarangko man·chape king 12,000 mangni gita jakrang gnang, jekon da·o court-na on·eaha.
Garima Garg, media baksa agangrikengon, uni nokdangni manderang judiciary-ni gita uamangna kakket bichalko ka·e on·an baksana dos dakgipa manderangni kosako rakgipa sasti-rangko on·gen ine ka·dongenga ine u·iataha. Ua SIT dol aro jinma manderangko uamangni chakpaaniko on·ahanina de·mitelatengon, Assam-ni Skotong Minister Himanta Biswa Sarma-ni dos dakgipa manderangna ta·rake sasti-rangko on·a man·a gita fast-track hearing-ko dakna miksonganiko namnike ra·chaksoaha.
Na·simang iakoba nina man·gen:
Na·simang iakoba poraina man·gen: Dzukou Valley-o wa·al kamanio jachange donggipa sakbri trekker-rangko jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
