Guwahati, Sep 13: Batanggimin salo, Sonapur-o niamgri songdongenggipa gipin jatrangko a•rikgalaniko dakangon adita so•sojengjeng ong•anirangko nikna man•aha aro iani gisepon ia manderangni jingjengatenganiko nikna gita man•skaengaha.
Sonapur-o Tribal manderangni dongchakani a•a aditan donga aro ia Tribal Belt aro Block ba Tribal manderangni biapni niamko Congress dolrangni bilo ong•engmitingon ra•gatahachim. Indake ia niamo janapani gita ua biapo Tribal manderang mangmangsan songdongna man•gipa ong•achim, indake ong•genchimoba, ua biapo gipin jatrangsa niam gri songdong a•chaskaengahani gimin uamangko a•rikgalengaha ine Assam Skotong Minister Himanta Biswa Sarma aganaha.
Iani gisepon, ia a•rikgala man•enggipa manderangko ding•chaoatengani a•sel, uamang dingtang dingtang silchidarerangko ra•e police dolrangko chadrapahachim, jeni giminsa police dolrangba bangbango slai-rangko gona nangao ga•akaha. Da•o dipet obostarang tom•tomkalaha aro ua biapo nokrik nokdake songdongenggipa manderangni nok jamrangko pe•galaniko dakengkua. Indake iani gisepon ia manderang rail ramarangona sokbaskaaha aro gipin dalrangoniko pangchakaniko man•e, Bangladesh a•songo gita lekka pal•takrangko ra•e jingjengatenganiko dakskaenga ineba ua agandapataha.
Na·simang ia video-koba nina man·gen:
Na·simang iakoba poraina man·gen: Golf kal•anio Johnwell Momin, M’laya-ni skanggipa Professional Coach ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
