Shillong, Feb 10: Meghalaya Board of School Education (MBOSE)-ni Secondary School Leaving Certificate (SSLC) porikkako Sombar saloni a•bachengataha aro ia bilsio SSLC porikkako gimik sak 64,387 chatro chatrirang, a•dok gimikni dam 164 centre-rango seenga.
Ia dam 164 centre-rangoni dam 93-de Khasi-Jaintia Hills jolrango aro dam 71-de Garo Hills-o ong•a.
Ia chang SSLC porikkako seenggipa sak 64,387 candidate-rangoni sak 26,526-de me•asarang aro sak 37,861-de me•chikrang ong•enga aro ia sak 64,387 candidate-rangoni sak 29,973-de Regular-I, sak 16,028-de Regular-II, sak 1455-de Private, sak 1884-de Non-Regular, sak 21-de Improvement aro sak 15,026-de Compartmental category-o porikkako seenga.
Indake ong•engon, SSLC porikkako seenggipa chatro chatrirangna, Meghalaya a•dokni Chief Minister Conrad K Sangma aro Education Minister Rakkam A Sangma-ba, an•tangtangni namgipa skaniko on•ataha.
Bimchipe poraichina aro an•tangtangni nokdangrangnasan ong•aigija songsal gimiknan mikkim rasongko ra•bachina gitaba uamang chatro chatrirangko didiataha.
SSLC porikkani result-rangko namdapatna sorkarini ja•ku de•anirangko janapatengon, ka•dongani aro bi•ani baksasa porikka seram biapona re•angchina gitaba uamang, chatro chatrirangna ku•pattianiko on•ataha.
Na·simang ia video-koba nina man·gen:
Na·simang iakoba poraina man·gen: Meghalaya a•dok chang 39-gipa National Games-ko sokachakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
