Guwahati, June 29: Batanggimin 1999 bilsio Kargil-o dakgrikani somoio ‘Operation Vijay’-ko a·bachengate Pakistan a·songni sipai dolrang baksa ka·dongbee dakgrikenba a·songtangna janggiko on·chake sianggipa battalion-ko gisik ra·na gita Dras Battle Honour Day-ni bilsi 24 gapaniko, Garhwal Rifles-ni 18th Battalion, Bristibar salo maniangaha.

Dras Battle Day-ko manianganio, Commanding Officer, Colonel Ksh John Singh aro Subedar, Major Matwar Singh-maag, janggitangko on·chake sianggipa sipairangko gisik ra·na tarigipa biapo pul bibalrangko done mande ra·aniko dakangaha aro uamangko gisik ra·anio, Unit-o dangdike on·enggipa sak 200 mang sipairangba bakko ra·angaha.

Official-ni u·iatani gitade, saksa officer baksana sak 18 jawanrang Operation Vijay-o dakgrikani somoio janggiko gimaatna gita nangahachim. Indake ong·engon, dakgrikani somoio janggiko gimaatgipa officer aro sipairangko gisik ra·na gita salni bako manianganio, battalion-rang, special Sainik Sammelan-koba dakangjolaha.

Koborna parakatani gitade, 1999 bilsini May jao, a·songni bobilrangko Dras Sector-oniko katatna gita Operation Vijay-ko dakani somoio a·songni battalion-rangna dingtangmancha kamko pakwatenba uamangko Jammu aro Kashmir-ni South Lolab valley-oniko Dras Sector-china jitatahachim.

Iakoba poraie nina man·gen: Lahowal Assembly constituency-ko bon·atani kosako manderang ECI-ni kosako jegala

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub