Williamnagar, May 8: East Garo Hills District Sports Office-ni sal 2-na Williamnagar-o ong•atanggipa District Level Inter School Athletic Meet, Bristibar attamo name matchotangaha.
Ia Inter School Athletic Meet-ni bon•kamgipa salo, East Garo Hills a•jani Additional Deputy Commissioner (ADC) Diana G Sangma, mongsonggipa sokgipa ong•e, jinmana aganprakangengon, chadamberangna kal•susaanirangni gamchatgipa ong•ani gimin janapangenba, kal•susaanirango chu•sokangenggipa chadamberangna sorkarini on•enggipa cholrangni giminba agan-talate on•angaha.
Ia kal•susaanio bak ra•gipa chadambe sakantikon mikkangchiba apsan daken gisiko nange kal•susaanirango bak ra•angkuchina gita Sangma didiangaha.
Ia Inter-School Athletic Meet-ni bon•kamgipa salo, final-ona doanggipa dingtang dingtang skulni bi•sarang, an•tangtangna aro skultangtangna mikkim rasongko ra•bana gita krenge bak ra•angtokaha.
Ia District Level Inter School Athletic Meet-o me•asarangoni Rongrenggre Govt Higher Secondary School, ‘Over All Champion’ ine mingako man•aha aro Ripok Dokatchi Secondary School, Runner-up-ko man•skaaha. Me•chikrangoni, Sacred Heart HS School, ‘Over All Champion’ ine mingako man•skaaha aro Loyola Secondary School, gnigipa biapko man•e chegipa ong•skaaha.
Ia Athletic Meet-o bilsi 16-ni ning•o ‘Best Athlete’-ni boksisko Ripok Dokatchi School-ni Amosh Chebath S Sangma aro Loyola Secondary School-ni Ritimesa N Marak man•aha.
Bilsi 18-ni ning•o ‘Best Athlete’-ni boksisko man•giparangara me•asarangoni Macmillan B Marak aro me•chikrangoni Raksilchi A Sangma ong•skaaha aro uamang sakgnian Ferrando Memorial School-ni ong•e, skultangna mikkim rasongko ra•baaha.
Na·simang ia video-koba nina man·gen:
Na·simang iakoba poraina man·gen: Tura-ni Inter Mahari Football Association rang·gitik tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
