Tura, June 28: Sonibar salo, Tura Football League (TFL) 2026-27-ni 2nd Division-ko Tura-ni Chandmary-o donggipa Government Boys Higher Secondary School-ni kal·chakramo ong·atanio Do·reng Sporting aro Northern United dolgnian, goal 5-ko chipangaha.
Northern United-ni Robat N. Sangma goal 1, Breantengsrang Ch. Marak goal 2 aro Sengsram K. Sangma-ni goal 1-ko minute 17-ni gisepon chipe on·anichi uamang 4-0 score-rangchi batengachim. Indake ong·engon, Do·reng Sporting-ni Adoniza Marak goal 2-ko chipe, Bothsing Ch. Marak goal 1 aro Nikku Ch. Marak goal 2-ko chipani gisepon, Northern United-ni 5-gipa goal-ko Kadil chipe on·angskaaha.
Ia robol kal·susaanio, Do·reng Sporting dolni goalkeeper Nikrak Ch. Sangma-ko uni kal·rimska baksa cha·gakgrike sko-o mataniko nikna man·aha. Saknaa man·gipana kal·chakram biapon una skanggipa sana bananiko on·genchimoba, nambata sana banani aro mata man·gipako koaniko dakna gita uko Tura Civil Hospital-ona re·angchina ku·pattianiko on·ataha. Ia an·saobegipa kal·susaaniko a·bachengatanio dolgnian goal 5-5-ko man·ahani gimin dol prakan point 1-ko man·angtokaha.
Na·simang iakoba nina man·gen:
Na·simang iakoba poraina man·gen: Shillong Ropeway re·baenggipa bilsiode matchotnaba donga: Sanbor Shullai
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
