Buh tarik ban shong bishar ha ka 15 tarik Naitung
Shillong, Jylliew 27 : Ki jingpyrshang ban pynkut ia ka jingiakajia halor ka jingpynlong ia ka “Bam Sacrament ba khuid” ha ka Balang Mawkhar Presbyterian, kam shym la seisoh ha ka sngi Thohdieng, da ka jingpynsngew ka Iingkashari Meghalaya High Court ba kane ka jingiakajia ka dei ka kam pyniaid niam hapoh ka Balang kaba long palat ia ka jingai rai ba mardor ka Iingkashari.
Kane ka jingiakajia, bala wanrah hakhmat u Justice HS Thangkhiew ha ka WP(C) No. 285 of 2026, ka long eh ba mano ba lah ban pynlong ia ka jingpyn Baptist bad ka Jingkhawai U trai kaba lah buh ban long ha ka 28 tarik Jylliew.
Ki nongmudui, ka Balang Mawkhar Presbyterian bad kiwei, kila tynjuh pyrshah ia ka jingbthah ba 19 tarik Jylliew na u Deputy Commissioner kaba khang ia ka Khasi Jaintia Presbyterian Synod Sepngi ba kan pynlong ia ka Sacrament hapoh ka Balang.
Ha ka jingbishar ha ka sngi Thohdieng, ia ka Presbyterian Church of India la pynlong lang kum ka liang mamla No.8 da ka jingkyrpad ki nongmudui.
U nongiasaid Philemon Nongbri ula pyntip sha Iingkashari ba ki nongmudui kila ai jingthoh sha ka PCI ban shah ia ka KJP Synod Mihngi ba kan pynlong ia ka Jingiaseng ha ka 28 tarik Jylliew, bad kyrpad ruh ban pynsangeh ia ka hukum jong u Deputy Commissioner.
Ki liang mamla No 5 haduh 7 lyngba u nongiasaid K Paul, kila pyrshah ba kane ka kam ka dei kaba la dep pynbeit hadien ka jingialang jong ka Sub-Pastoral Committee ba long ha ka 23 tarik Jylliew, kaba la jied ia u Rev EB Lawim jong ka Goldlink Presbyterian Church ba un pynlong ia ka Sacrament.
Ki Pastor, kila pynpaw, ba u dei u bym shah liang bad la pdiang ia u. Ia kane ka jingai jingmut la pyrshah da ki nongmudui kiba iasaid ba ka Sub-Pastoral Committee ka dei kaba hap hapoh ka KJP Synod Sepngi – ka shnat treikam kaba kila pyniakhlad ialade. Kila pynpaw ba kin pdiang tang ia u Pastor na kiwei pat ki Synod lane bala thung hi da ka PCI.
Hynrei ka PCI kala kyntait ban tuklar ia kane ka kam.
U Justice Thangkhiew ula pynpaw ba katba u pud ba treikam jong ka mudui (writ) kam shym la ktah ia ki jingpyniaid kam hapoh ki Balang, ka Iingkashari kala shim ia kane ka kam namar ka jingsngewkhia na ka bynta ki riewngeit.
Ka Iingkashari kala pynpaw ba kala pyrshang ban wad iaki lad ki lynti la ka PCI ka lah ban jied ia u Pastor, hynrei ka jingpyrshang bala pynsngew da kiwei ki liang mamla bad ki jingktah kiba kham iar kat kum ka riti synshar ka mut ba ym pat lah ban shim ia ka rai mynta.
Ka Iingkashari kala buh ia ka 15 tarik Naitung, 2026 kum ka sngi shong bishar biang bad bthah ia ki liang mamla ba kin file ia ki affidavit.
Pule ruh : Manipur | Shimti ka NIA ban tohkit ia jingshah pyniap ki 3 ngut ki Nongialam Balang
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
