Shillong, Jun 28: Meghalaya a·dokni cricket kal·gipa me·chikrangko, ‘sexual harassment’ ba kragija bewalo kal·ake rona jotton ka·ahani gimin Meghalaya Cricket Association (MCA), Under-23 Women’s Team-ni head coach aro assistant manager-ko ra·galatenba, ia dolni honorary secretary-koba kam dontongatchengaha.
Me·chik cricketer-rangni badi ka·aniko Meghalaya State Commission for Women (MSCW)-ni am·sandianio, ia me·chikrangni kosako ong·gija kamrangko ka·aha ine nikna man·ani ja·man MCA, U-23 me·chik dolni head coach aro assistant manager-ko kam ra·galatenba, dolni honorary secretary-koba kam dontongataha.
Ia a·selni bidingo MCA-ni president James PK Sangma, an·tangni suk ong·gijaniko parakatengon, cricket kal·gipa me·chikrangna naljokaniko on·na gita niamrangko bilakbatatchina Board of Control for Cricket in India (BCCI)-na sedoatgipa chittio didiataha.
Agartala-o ong·atanggipa cricket tournament-o me·chik cricketer-rangni kosako, gitcham head coach Hemant Roy aro assistant manager Sanjay Mondal, kragija kamrangko ka·aha ine matnangenba, 2025 bilsini December jao, MCA U-23 Women’s Cricket Team-ni member-rang badi ka·doangani ja·man, ia official-rangni kosako MCA, rakgipa ja·kurangko de·angaha.
Iandake badi ka·anirangko man·ani ja·man MSCW, Sexual Harassment of Women at Workplace (Prevention, Prohibition and Redressal) Act, 2013-ni ning·o on·gimin niamrangko pangchake, am·sandianirangko dakangaha aro ia official-rangko dos donga ine ma·sina man·aha.
MSCW-ni am·sandie, ia official-rangni dosrangko ma·sina man·ani ja·man, U-23 Women’s Team-ni head coach aro assistant manager-ko kamoni chu·gimik ra·galsrangchina MCA-ni president Sangma, ge·etaniko on·angaha aro unbaksana honorary secretary-koba kam dontongate, show cause notice-ko on·china ge·etangaha.
Na·simang iakoba nina man·gen:
Na·simang iakoba poraina man·gen: Arunachal-o mikkarang jime waanichi chirang banangtaia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
