Shillong, Jul 23: State Government Salary Package (SGSP)-na Bristibar salo, Meghalaya sorkari aro State Bank of India (SBI)-ni gisepo gital dake Memorandum of Understanding (MoU)-o soi ka•grikangaha aro ia soi ka•grikanio, Meghalaya a•dokni Chief Minister Conrad K Sangma-ba dongpaaha.
Ia gital MoU-o Meghalaya sorkari aro SBI-ni soi ka•grikaniara, 2012 bilsio soi ka•grikgipa MoU-ni pal gital dake songgigrikanio soi ka•ani ong•a aro ia gital SGSP-o, a•dok sorkario kam ka•enggiparangna, insurance, loan, digital banking, family banking aro uandakgipa cholrangko man•chape dormaharangko on•anio dingtang dingtang man•gnirangko baridapataha.
Ia gital SGSP-ni namgnirangko, gitcham SGSP account donggiparang aro sorkario gital kam ka•giparangba man•gen.
Meghalaya sorkari aro SBI official-rangni soi ka•grikanio a•dokni Chief Minister-ba dongpae aganprakengon, kam ka•giparangni man•gnirangko nambatatanichi aro bank-ni gital cholrangko on•anichi a•dok sorkari, kam ka•giparangni namgnina kam ka•enga ine parakataha.
A•dok sorkari aro SBI-ni gisepo gital dake MoU-o soi ka•grikaniara, sorkario kam ka•enggiparangna dingtang dingtang man•gnirangko on•anio kamrangko nambatatna sorkarini ja•ku de•aniko mesokanian ong•a ineba Sangma aganaha.
2026 bilsini June 30 tarikona kingking, a•dok sorkario kam ka•giparangoni sak 43,000-na baten, SGSP-ni ning•o SBI-ni salary account donggiparang ong•a aro iana•dok sorkario kam ka•giparangoni 71 percent-mang ong•a. Ianoni sak 33,000-na baten kam ka•giparang, Bank-oniko dingtang dingtang loan-rangkoba ra•na man•aha.
Dingtang dingtang branch-rang, ATM-rang aro Customer Service Point-rang gita manderangna dangdike on•engani gimin aro sorkarini dingtang dingtang scheme-rango dakchakanirangko on•engani giminba Chief Minister, SBI-ko mittelpilangaha.
Na·simang iakoba nina man·gen:
Na·simang iakoba poraina man·gen: Delhi-o jingjengatenggipa chadamberangna Shillong-oba bakrimaniko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
