Shillong, August 8: Bangladesh a•songo ong•enggipa obostarangko nigrikenba, Jaintia Students Movement (JSM) aro Jaintia National Council (JNC) dol, 1971 bilsio ong•a gita Meghalaya a•dokko ‘refugee camp’ dakataijana gita simsaksoanirangko dakchina gita a•dok sorkario dabianiko dakangaha.
Deputy Chief Minister incharge Home, Prestone Tynsong-na, JSM aro JNC dolni on•gipa memorandum-o, Bangladesh a•doko so•so jengjeng ong•engani gisepon, Meghalaya a•dokba Indo-Bangladesh sima ari-ni sepango ong•ani gimin ta•rake tom•e chanchirimaniko August jani 6 tariko ong•atangaha ine janapataha. Una agreba, ia tom•anio sorkarionikoba iani bidingo ta•raken nirokataniko nangnikenga. A•dok sorkari a•song damgnini sima ari-ko name nirokaniko dakatchina aro Meghalaya a•dokona Bangladesh-oni napbana man•jana gita district administration-rangko name nirokaniko dakatchina ge•etaniko on•china dabianiko dakataha. Ia dolgni a•dok sorkarini gita district administration-rangko Indo-Bangladesh sima ari jolrango temporary police camp-rangko donate uno chu•onga gita silchidare gnanggipa sipai dolrang baksana Central Security Forces ba Central-oni chelchakgipa dolrangkoba sima ari jolrango donpachinaba dabianiko dakangaha, jedakode ua jolo songdonggipa manderang baksa ong•nanggija obostarang ong•jawa.
A•dok sorkari, district administration-rangko konta 24-na dakchakaniko on•aniko a•bachengatna gita ge•etaniko on•a nanga ineba uamang dabianiko dakangkuaha, jedakode a•song damgnini gisepo maiba obostarang ong•a ong•ode ba namsrukbagiparang dongode ua jolo songdongenggipa manderang je somoioba koborko on•a gita man•gen, ineba uamang janapangkuaha.
Na·simang ia video-koba nina man·gen:
Na·simang iakoba poraina man·gen: Assam sorkari “Mukhya Mantri Nijut Moina” scheme-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
