Assam, Dec 10: Robibar pringni seng•nachibara Boreralga char aro Khagarchar jolo, niamgri matchu matte-rangko bading chiwalenggipa manderang ine chanchipenba ringo re•roroe nitimenggipa BOP Boreralga 45 BN BSF dolrang name sandianiko dakna a•bachengaha. Indake, ia mikrake dongenggipa sipai-rang, a•selrangko u•iani bakan matchu matte-rangko niamgri bading chiwalenggipa ine chanchichipenggipa manderangko chadrapaha. Indake ong•genchimoba, ia manderang bakan Brahmaputra chibimaona chokone joke katangna gita man•aha. Indake ong•engon, ia sipai dolrang Boreralgachar jol gimikko am•sandie nianio mang 22 matma-rangko rim•na man•aha. Ia rim•na man•gipa matma-rang 2.64 lakh damni ong•achim ine u•ina gita man•aha.

Iani gisepon, 45 BN BSF sipai dolrangni ian dalbatsranggipa chu•sokani ong•achim, maina, ua jolo chirikam ong•ani gimin aro guarerangko kajani a•selo jolgimikko nirokanio neng•nikaniko man•rongachim. Unbaksana badingsrukgipa manderangba sipai-rangoni naljokna man•a gita matchu matte-rangko ua jolo komie bak ka•e donrongachim.

Indake, chanchipenggipa badingsrukgipa manderang, Boreralga char aro Khagrachar jolo buringrang dikani gimin aro chisamo guurirang dinani a•sel aro andalani cholko ra•e joke katna man•aha ine nikna gita man•a.

Iakoba poraie nina man·gen: Rel garirangko ra·baani bidingo chanchirimna Jaintia Hills-o tom·aniko ong·atgen ine MLA paraka