Athiabari, Apr 11: Assam aro Meghalaya a•dokni simarango meligrikna man•jaenggipa biaprangko sualgrikna gita Assam aro Meghalaya sorkarirangni gisepo agangrikengon, je songrangkon Meghalaya a•doko napatna gita 2012 bilsio gitcham Meghalaya sorkari dabienba Assam sorkarina on•atahachim, uano pangchakesa da•o a•dok damgnini sorkarirang agangrikkuenga ine Bristibar salo, Meghalaya a•dokni Chief Minister aro National People’s Party (NPP)-ni national president Conrad K Sangma, West Khasi Hills a•jani Athiabari songo parakataha.
Chief Minister-ni aganani gitade, Assam a•doko dongenggipa mitam songrangba da•o Meghalaya a•dok ning•o ong•na nangniktokengoba da•o dipet ia songrangko Meghalaya a•doko napatna gita Meghalaya sorkari mamingkoba dakna man•kujaenga maina 2012 bilsio ong•anggipa Meghalaya a•dokni gitcham sorkari, je songrangkon Meghalaya a•doko napatna gita Assam sorkarina see on•atahachim, ua songrangni giminsan da•o Assam aro Meghalaya sorkarini gisepo agangrikenba, ia songrangko napatna gita kamko ka•engachim.
2012 bilsio Meghalaya sorkarini see on•atgipa dam 12 songrangna agre gipin biaprangkoba Meghalaya a•doko napatna gita ua Assam sorkari baksa agangrikgen ine ku•rachakaniko on•angengon, da•o dipet Lok Sabha election-na dongimin niamrang dongani gimin ua iani giminde tale aganna man•kujawa ine Sangma parakatskaaha.
Je biaprangkon a•dok damgnini gisepo sualgrikahachim, ia biaprango da•o simarangko salengaha aro kamrang namen ta•rakengaha ineba ua aganaha.
Na·simang ia video-koba nina man·gen:
Na·simang iakoba poraina man·gen: Mawlai-o dosgri mandeko so•otanina CM jegala; Kakket bichalko on•na ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
