Imphal, June 18: 2017 bilsini Manipur Assembly election-o Bharatiya Janata Party (BJP)-na United Kuki Liberation Front (UKLF) bobil dol kamrangko ka·e on·aha ine dingtang dingtang dolrangni matnanganiko Sonibar salo, Manipur a·dokni BJP dol raken jegalataha.

Dingtang dingtang chadambe dolrangni matnanganiko jegalatengon, BJP-ara national party-sa ong·e a·songni gita bang·en dakchakanirangko man·enga aro maming saloba bobil dolrangni dakchakanirangko ra·na nangjawa ine Manipur BJP-ni ku·wattimgipa Elangbam Johnson talataniko on·angenba, iandake BJP-ko matnanganio badiaba political dolrangsa jak dongna nanga ine parakataha.

Ia obosta ong·ani 2017 bilsiosa ong·a ong·ode da·o 2023 bilsi ong·pilengaha ine janapatskaengon, ua somoio BJP-na bobil dolrang dakchake on·bebegenchimode maini gimin ua somoio kattarangko parakgija da·osa iani bidingo matnanganirangko dakna jotton ka·skaenga ine Johnson sing·doataha.

2017 bilsini Assembly election-o BJP-ni candidate-rangna kamrangko ka·e on·aha ine UKLF bobil dolni a·kanggipa kattarangni bidingo talataniko on·china gita Sukrobar salosan dingtang dingtang chadambe dolrang, BJP-ni dilgiparango dabiangahachim ine nikna man·a.

Also Read: Meghalaya: Burnt body of a newborn found near cremation ground in Malki

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub