Shillong, Mar 14: 2018 bilsio East Garo Hills a•jani Sawilgre songo bomako gopretanichi Williamnagar-ni NCP candidate Jonathone Sangma-ni siangna nangahani gimin ia a•selni bidingo National Investigation Agency (NIA)-chi am•sandianirangko dakchina gita Gambegre-ni NCP MLA Saleng A Sangma dabiangaha.
Ia dabianio Williamnagar-ni NPP MLA Marcuise N Marak-ba bakrimaniko on•angpaaha.
2018 bilsini February 18 tariko bilsi 43 ong•gipa Jonathon Sangma, an•tangni security guard sakgni baksa, election-na campaign ka•aoni re•bapilengmiting somoio Sawilgre songo Improvised Explosive Device (IED) boma gopretani a•sel so•otako man•na nangahachim.
Ia a•selni bidingo Assembly budget session-ni question hour-o sing•doangengon, ia a•selni gimin darangba daiko ra•jaha ine Saleng parakatenba, ia a•selni bidingo NIA ba CBI-chi am•sandianirangko dakna nanga ine dabiangaha.
Ia dabianio Williamnagar-ni NPP MLA Marcuise Marak-ba chakpaaniko on•angengon, ian namen namjabegipa a•sel ong•ani gimin NIA-chi am•sandianirangko dakna nanga ine a•dokni Home Minister Lahkmen Rymbui-ko didiangaha.
Ia dabianirangna aganchakaniko on•angskaengon, ia a•selni bidingo IPC-ni dingtang dingtang section-rangni ning•o mokordomako ka•aha aro police-rang an•tangtangan am•sandienga ine a•dokni Home Minister Lahkmen Rymbui parakataha.
