Shillong, Nov 9: 2021-2022 bilsini Pre-Matric aro Post Matric Scholarship-rangko Budbar salo, a•dokni chatro chatrirangna watataha.
Iako Sombar salo, a•dokni Education Minister Lahkmen Rymbui, social media-o jinmana parakataha.
Education Minister-ni parakatani gitade, a•dok gimikni sak 61,116 chatro chatrirangna a•dok sorkari, gong 1697291678-ni scholarship-ko watataha.
Ia scholarship-rangko PFMS gita chatro chatrirangni account-o chipatgnok ineba Education Minister parakataha.
