Shillong, Feb 12: Ia 2025-2026 bilsini budget-na Budbar salo, a•dokni skanggipa pre-budget consultation ba budget-ko tarianio jinma apsan chanchirimaniko, Meghalaya a•dokni Chief Minister aro Finance Minister Conrad K Sangma-ni dilanichi ong•atangaha.
Ia tom•aniko ong•atani bidingo a•dokni Chief Minister, jinmana talate on•angengon, budget-ko tarianio manderangni bak ong•pana nangani gimin janapangenba, ia budget-ara game ge•e cha•giparangna, bading chiwalgiparangna aro pilak dolrangnan ong•enga ine parakataha.
Budget-ko tarianio manderangni ku•pattianirangan dingtanganiko ra•bana man•ani cholrang donga ine janapatengon, pilak ku•pattianirangkode changsanon ra•gopjanaba gnang indiba mikkangchi nangani kri pilak ku•pattianirangkon ra•gen ine Chief Minister ku•rachakaniko on•angaha.
A•doko tangka paisani gita dal•roroaniko janapangengon, dingtang dingtang kamrangna tangka paisarangko ma•mong sorkarioniko man•aia indiba maikai uarangko jakkala uasa mongsonggipa bak ong•a ine Chief Minister, a•dokni dal•roroanio tangka paisarangko jakkalanirang nambatahanina mittelpile aganaha.
Meghalaya a•doko economy-ni dal•roroani 16.2 percent ong•e a•songni average-nan batahaniara a•dokni dal•roroenganiko mesokanian ong•a ineba ua aganaha.
Kajinarangko gile man•ani bidingo janapatskaengon, batanggimin bilsidokni gisepo kajinarangko gile man•ani gong crore 1,450-oni crore 3,217-ona tang•doange changgni baridapaha ine Chief Minister parakataha.
Facebook LIVE-o manderangni sing•anirangna aganchakaniko on•angengon, lekka porako tang•doatna sorkarini ka•enggipa kamrangni gimin Chief Minister janapangaha.
Ia pre-budget consultation-ko ong•atahani gimin a•doko songdongenggipa manderang aro dingtang dingtang dolrangba, sorkarini kamna kusi ong•aniko paraktokaha.
“Ia pre-budget consultation-ko ong•atanichi chinga skanggipa changna budget tarianiko aro maikai sorkarini dingtang dingtang kamrangna tangka paisarangko chamachim, uarangko ma•sie ra•na man•aha,” ine ia program-o bak ra•gipa mande saksa aganaha.
Ia program-ko ong•atanio, Finance department-ni Commissioner & Secretary Dr Vijay Kumar D, ia bilsini budget-ko jinmana mesoke on•angskaaha.
Na·simang ia video-koba nina man·gen:
Na·simang iakoba poraina man·gen: Bobil dolni sak 3 manderangko Manipur Police rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
