Shillong, Aug 9: Re•baenggipa 2025 bilsionide Meghalaya Board of School Education (MBOSE)-ni Secondary School Leaving Certificate (SSLC) porikkako bilsio changgni dake ra•gnok aro ian mongsonggipa board porikkao subject gni ba subject gittam dake fail ong•gipa chatro chatrirangna jasa ba jagnini gisepon porikkako sepiltaina chol ong•gnok.
Sukrobar salo, Meghalaya a•dokni Chief Minister Conrad K Sangma-ni dilanichi Cabinet tom•anio, MBOSE-ni SSLC porikkana dongimin niamko taridape ra•chakangahani gimin da•o MBOSE-ni board porikkako bilsio changgni dake ong•atna man•gnok.
Ia gital niamko ra•gatani bidingo kobor ra•timgiparangna talate on•angengon, 2025 bilsi dipet MBOSE-ni board porikkako changgni dake ong•atna tik ka•ahani gimin skanggipa porikkako 2025 bilsini February ba March jao ong•ate, mitam subject-rango ba gimik subject-rango fail ong•gipa chatro chatrirangna gnigipa porikka ba supplementary board porikkako jasa ba jagnini ja•man May jarango ong•atangskagen ine a•dokni Education Minister Rakkam A Sangma parakataha.
Education Minister-ni aganani gitade, da•o dipet MBOSE-ni board porikkarangko bilsisani ja•mansa ra•piltaienga indiba chatro chatrirangni poraianio bilsisako indin bon•atjana gita sorkari, supplementary board porikkako apsan bilsion ra•skana tik ka•aha.
![](https://hubnetwork.in/wp-content/uploads/2024/05/WhatsApp-Image-2024-05-20-at-08.31.41-1024x724.jpeg)
2025-2026 academic session-onide mongsonggipa board porikkako 2025 bilsini December jaon ra•gnok aro supplementary board porikkako 2026 bilsini February-March jarango ra•skagen ineba Education Minister parakataha.
2026-27 Academic Session-onide chatro chatrirang, subject-rangko basee ra•na man•jawaha ba nambatgipa mingbonga subject-ko baseani dongjawahani gimin chatro chatrirang subject dok gimikkon pass ka•na nanggnok ineba Education Minister aganaha.
Na·simang ia video-koba nina man·gen:
Na·simang iakoba poraina man·gen:Meghalaya-ni Fruit Wine Industry a•gilsak gimiko niksengnasia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore