Shillong, April 5: Meghalaya-ni Education system, Meghalaya Board of School Education (MBoSE)-ni ong·atgipa, 2025 bilsini SSLC (Class 10) porikkao namen dingtanganiko nikna gita man·aha. Ia bilsio, ge 341 skulrango 100% pass ka·giparang ong·enba, chu·gimik pass ka·ani percent-rang 87.10%-ona tangdobataha.
Re·anggipa bilsirango pass ka·ani percent-rang namen komibeachim, chong·motan 2024 bilsio 55.80%, 2023 bilsio 51.93%, 2022 bilsio 56.96% aro 2021 bilsio 52.90% san pass ka·giparang ong·aiachim.
Ia bilsio, pangna bilsina bate jagni skang result-rangko parakataha. Pangna bilsian SSLC porikkani result-rangko May ja bonachipak ba June jani a·bachengorang parakatrongachim. 2024 bilsio result-rangko May 24 tariko aro 2023 bilsio May jani 26 tariko parakataha.
Uasan ong·aigija, MBoSE ia bilsioni SSLC porikkako changgni dake ong·atnaba tik ka·angaha.
Skanggipa porikkako February-March jao aro indake chatro chatrirangoni saoba porikka seanio namja ong·ode, uamangna porikka setaina gita April ba May jao ong·atna tik ka·angaha. Ian porikkao chu·sokgijagiparangna porikka setaina senganio somoirang galaniko champengna aro porikka seanio chatro chatrirangna nambate dakna cholko on·a National Education Policy (NEP)-ko ra·gatani bak gita ong·a.
Shillong-ni St. Margaret’s Higher Secondary School-ni Leisha Agarwal aro Jowai-ni North Liberty Higher Secondary School-ni Avila Kathrene P Lyngdoh, ia bilsini SSLC porikka seanio 582 mark-rangchi chubatgipa gadangko man·e chu·sokaniko man·aha.
Sak 63,682 chatro chatrirangoni porikka segiparangoni, sak 22,726 me·a bisarang aro sak 32,747 me·chik bi·sarangko man·chape chu·gimik sak 55.473 chatro chatrirang chu·sokaniko man·aha. Sak 18,903 chatro chatrirang subject 5-o aro sak 36,570 porikka segiparang subject 6 gimikon pass ka·angaha.
Porikkani result-rango, CM IMPACT Guidebook jakkale on·tisa dingtangatanirangko dakatgenchim ong·oba, chatro chatrirangni gisiko nangbee poraianirangko dakanichi ia bilsio namgipa result-rangko man·a gita amaha inenba MBoSE u·iatangaha. Ia guidebook-ara namgipa note-rang dongpagijagipana aro lekka ki·taprang dongpagijagipana namen dakchakbeani ong·aha.
Na·simang ia video-koba nina man·gen:
Na·simang iakoba poraina man·gen: Muslim Rashtriya Manch, Waqt Amendment Bill-ko Muslim-rangna namgni ong·gen ine chakpaaniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
