Shillong, Feb 28: 2028 bilsini gisepon Meghalaya a•doko 10 billion dollar economy ong•atna gita Meghalaya sorkari rakbee kamko ka•enga ine Sukrobar salo, Assembly-ni Budget Session-ko a•bachengatanio a•dokni Governor CH Vijayashankar parakataha.
Meghalaya a•dokko 10 billion dollar economy ong•atna kam ka•anio pilakkon sorkari baksa bakrimchina gitaba ua didiangaha.
Meghalaya a•doko pilakni gitan namroro silroroaniko ra•bana sorkari on•kange kamko ka•enga ine janapatengon, batanggimin bilsini gisepo ia sorkari, CM CONNECT aro Hello Meghalaya gita dakgipa program-rangko ra•gatanichi a•doko dingtanganiko ra•bana man•aha ine a•dokni Governor aganaha.
Rama jal•lang, bijoli, chi, Information & Technology, tourism aro gama ge•ani kamrangko namdapatanichi a•doko economy-ko tang•doatna man•gen ineba ua aganaha.
MDA sorkarini policy aro program-rangni bidingo janapatengon, rama jal•lang, bijoli, gama ge•ani, chirangko ripingani aro tourism-ni kamrango a•dok sorkari, externally aided project (EAP)-rangko jako ra•e ka•enga aro ia project-rangna World Bank, International Fund for Agricultural Development, New Development Bank, Japan International Cooperation Agency aro Asian Development Bank gita dakgipa gipin a•songni kamrangchi dakchake on•enga ine Governor aganaha.
Dingtang dingtang scheme-ni ning•o Development of North Eastern Region (DoNER) Ministry-onikoba tangka paisani gita dakchakanirangko a•dok sorkari man•enga ine janapatengon, PM DeVINE program-ni ning•oba gong crore 395-ni project mingbriko ia bilsio a•bachengatna man•aha aro ia project-rangara New Shillong-o rama tariani, Tura-o IT Park-ko rikani, Dympep-o Skywalk aro Tourist Hub-ko rikani aro Shillong Peak-o Passenger Ropeway-ko tarianian ong•a ine Governor aganaha.
CM ELEVATE program-ni ning•o bading chiwalgiparangna aro manderangna dingtang dingtang janggi tangani cholrangko on•na man•aha ineba Vijayashankar aganaha.
Ia bilsini gisepo mongsonggipa rama tariani project-rangko a•bachengatna man•aha ine janapatskaengon, Shillong-Dawki Highway aro Tura-Dalu project-rang da•o matchotangengaha ine Governor aganaha.
A•doko ka•dongna man•gipa bijoliko on•na gita sorkari kam ka•enga ine janapatskaengon, batanggimin 2024 bilsini gisepo a•doko load shedding-ko ka•na nangjaha aro ia 2025 bilsioba apsan daken load shedding gri a•dokni manderangna bijoliko on•angkuna ka•dongenga ine Governor aganaha.
A•dokni manderangna an•seng baljokaniko on•na gita ia sorkari rakbee kamrangko ka•enga ine janapangengon, an•o donggipa ma•giparang aro bi•sa bakgitchakrangni sianiko komiatna gita sorkari, Chief Minister’s Safe Motherhood Scheme (CM-SMS)-ko 2022 bilsio a•bachengataha aro ia scheme-ko a•bachengatanichi an•o donggipa ma•giparangko aro bi•sa bakgitchakrangko nambate nirok sandina man•enga ine Governor parakataha.
PM-ABHIM-ni ning•o dam 151 sub-centre-rangko rike manderangna an•seng baljokaniko on•na kam ka•enga ineba ua aganaha.
Batanggimin bilsini gisepo a•doko tom•tomanirangkoba nikna man•aha ine janapatskaengon, 2024 bilsio Lok Sabha election-ko aro ia 2025 bilsio district council election-rangkoba tom•tome matchotatna man•aha ine Governor aganaha.
2023-24 bilsini gisepo a•bachengatgipa gital niamrang, chong•motan Bharatiya Nagrik Suraksha Sanhita, Bharatiya Nyaya Sanhita, aro Bharatiya Sakshya Adhiniyam-ni bidingo janapatengon, a•doko ia gital niamrangko ra•gatahaoba Autonomous District Council court-rangkode Sixth Schedule-o pangchaken chalaiangkugen ine Governor parakataha.
Na·simang ia video-koba nina man·gen:
Na·simang iakoba poraina man·gen: Advantage Assam 2.0 chatro chatrirangna namgniko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
