Tura, March 7: Malaria sabisiko 2030 bilsiode Indiaoniko bon·atsrangna ingipa re·mikkanganio apsan ja·kuko ga·pae, sam gnang tarigipa mosorirangko Babadam Primary Health Centreni ning·o donggipa songrangna, Bristibar salo Garo Hillsni MP Agatha K Sangma suale on·aha.
Sam gnang tarigipa mosoriko Long Lasting Insecticidal Mosquito Nets ba seng·sote LLIN ine minga. Uandakgipa mosorirangko sualani kamko West Garo Hillsni District Vector Borne Disease Control Programme (DVBDCP) ong·ataha.
Garo Hillsoni ong·katgipa aro man·ronggipa malaria sabisini jo·ongko 2027 bilsion gimaatna kam ka·anirangko una skangan a·bachengmanaha.
Tom·ao Agatha K Sangmani aganani gitade, sandie man·ani gita 2015 bilsio Meghalaya a·doko sak 46,000 malaria sagiparang dongaha. Iani bidingo sorkarini dakgrikanichi malaria saaniko aditan komiatna man·aha ine ua agandapaha.
Tom·ao Dr. Bichitrani Ch Marakni aganani gitade, LLIN mosorirangko jakkalanian Garo Hillso malariako chel·atna man·gipa cholrangoni mingsa ong·aha. 2010-11 bilsioni a·bachenge, batanggimin bilsirango indakgipa mosoriko suale on·anian malaria saaniko dakgrikanio namen dakchakaniko on·a. Dr. Bichitrani aganani gitade, 2016 bilsio sam gnang mosoriko sualon 2017-18 bilsiode malaria namen komiaha. 2020 bilsioba mosorirangko sualtaiaha, indiba ua mosorirang 2022 bilsio kam ka·jahaon, 2023 bilsio malaria sagiparang bang·taiaha.
India gimikchian malaria saaniko komiatna man·roroenga, aro 2030 bilsiode uko a·songo saaniko bon·atsrangna gita ja·ku de·enga ine Dr Bichitra Marak agandapaha.
Na·siamng ia video-koba nina man·gen:
Na·simang iakoba poraie nina man·gen:Tripura-o TIPRA Motha, BJP sorkario bakrimea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
