Shillong, Mar 13: ‘A•ako breachi ba gipin cholrangchi land-bank-rangko bikotani’ ingipa kattarangko a•dok sorkari den•galna tik ka•angani ja•man dingtang dingtang dolrangni jegalenggipa Meghalaya State Investment Promotion & Facilitation (Amendment) Bill 2025-ko Bristibar salo, Meghalaya Assembly pass ka•angaha.
Ia Bill-ko a•dokni Chief Minister Conrad K Sangma, Assembly-o ong•atgipa Budget Session-ni bon•kamgipa salo parakataha aro ia Bill-ni bidingo manderangni nangnikanirangko sorkari knachakna ku•rachakahani gimin sorkari aro opposition-o bakrimenggipa pilak membor-rangan ia Bill-ko namnike pass ka•angaha.
Ia Bill-ni gimin Assembly-o chanchirimdilangengon, Meghalaya Investment Promotion Authority ‘land bank’-rangko bikotna aro private investor-rangna a•arangko on•na man•jana gita ia Bill-o ‘a•arangko breanichi land bank-rangko bikotani’ ingipa kattarangko sorkari den•galahani gimin private company-rangna a•arangko on•na man•jawaha ine Chief Minister parakataha.
Ia sorkari, manderangni nangnikgijako dakdragipa sorkari ong•ja aro pangnan manderangni nangnikani gitasa kamrangko ka•a ineba Sangma aganaha.
Dingtang dingtang niamrangni bidingo apsan chanchirimna gita a•dok sorkari, political dolrangko man•chape a•dokni pilak dolrangkon okamgen ineba Chief Minister, ku•rachakaniko on•angaha.
Ia MSIPF-ara Land Transfer Act-ni kosako re•badejawa aro pilak kamrangon autonomous district council (ADC)-rangni dongimin niamrangko ja•rikgen ineba Chief Minister aganaha.
Chief Minister-ni parakatani gitade, ia MSIPF Bill-ni bidingo Mawkynrew, Jowai aro Garo Hills-ni MLA-rangko man•chape KSU aro dingtang dingtang dolrangba unbaksa agangrikeaha aro ua pilaknan ia niamni bidingo talatanirangko on•ataha.
Na·simang ia video-koba nina man·gen:
Na·simang iakoba poraina man·gen: Byrnihat-o balwa moila ong•aniko namatna Assam aro M’laya nangrime kam ka•gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
