Karukol, Nov 8: Mongolbar salo, 58-Rongara Siju MLA Cup 2023 Open To All Tournament-ko Karukol-ni kal•chakram biapo, Education Department-ni Adviser Shri HM Shangpliang aro Pa Satto R. Marak-ni dongpaanio, Education Minister Pa Rakkam A Sangma a•bachengate on•angaha.
Ia kal•chakatanio, Baghmara DRDA-ni PD, Shri Pilot R. Marak, MCS aro Siju Block-ni BDO, Shri Manaranjan R. Marak, MCS-ba dongpae bakko ra•angaha.
Ia Tournament-ko oprakanio, Ampang FC aro Dombe Forest FC baksa kal•susaanio bil•tinggrike somoi ong•oba amgrikjaenba penalty tinggrikanio Ampang FC chegipa ong•aha.
Iakoba poraie nina man·gen: Rangdajied United FC, M’laya Tourism-ni dakchakanichi I-League 3-o bak ra•taigen
WATCH:
