Shillong, July 23: A·dok damgnini gisepo meligrikgijagipa sima-arirangko namatani cholrangko sandie kamrangko ka·na gita sorkarini songgimin Meghalaya aro Assam-ni Regional Committee, mija Sonibar salo Khanapara-ni Assam State Guest House-o tom·aniko ong·atangenba re·baenggipa August jao Desh Domrea jolrangona apsan re·enba nianiko dakna tik ka·angaha.
Ru·uta bilsirangoni meligrikjaenggipa a·dok damgnini simarangko tik dake on·na mikkangchi ja·kurangko de·ani gimin agan-chanchirimna gita tom·aniko ong·atanggipao, Assam-ni Agriculture minister Pa Atul Bora aro Meghalaya-ni dakchakgipa skotong minister Pa Prestone Tynsong bakko ra·angaha. Ia tom·anio, Regional Committee-ni sakgipin membor aro KHADC-ni CEM Pa Pyniaid Sing Syiem-ko man·chape Ri-Bhoi a·jani MLA-rang, jekai Jirang-ni Pa Sosthenes Sohtun, Mawhati-ni Pa Charles Marngar, Umroi-ni Pa Damanbait Lamare baksana a·jani Deputy commissioner Pa Arpit Upadhyay-maangba dongpae bak ra·angaha.
Tom·a matchotani ja·man koborna aganangengon, Regional Committee-ni chairman-ba ong·enggipa Pa Prestone Tynsong, Ri-Bhoi a·jani ning·o ga·akgipa damgittam meligrikgijagipa biaprang jekai, Desh Domreah, ka Nongwah Mawtamur aro Borduar, iarangko tik dakenba namatkamani cholrangko ra·bana kamko ka·ani gimin da·alni tom·anio mongsongbate chanchirimaniko dakaha aro iana chinga a·dok damgnini Regional Committee-rang re·baenggipa August 26 tariko ua biaprangona apsan re·e nisrangna gita tik ka·e donaha ine u·iatan baksa, Ri-Bhoi-ni ning·ogipa damgittam meligrikgijagipa biaprangona re·e nianiko dakani ja·manoba damgipin meligrikgijagipa Block II jolrangni gimin agan-golpogrikaniko dakangtaigkugen ineba a·dokni dakchakgipa skotong minister parakataha.
Unomiting, Assam-ni Cabinet Minister aro Assam Regional Committee-ni Chairman-ba ong·jolenggipa Pa Atul Bora, dolgnini gisepo tom·e chanchirimaniko dakangani bidingo uni microblogging page-o seatengon, Assam aro Meghalaya a·dokni gisepo ru·uta bilsirangoni meligrikjaenggipa simarangko tik dake donkamna kamko ka·anirang matchotnasiengaha ine janapatan baksa, tarichenggipa report-ko a·dok damgnini DC-rang on·anggen aro iano pangchakesa dolgni regional committee-rang re·baenggipa August jani 25 tariko tom·piltaigen aro 26 tariko Assam-ni West Dimoria jolona apsan re·enba nianiko dakangjolgen ine u·iatangaha.
Iakoba poraie nina man·gen: Tura-ni Mothers Union, Manipur-o ong·gipa obostako jegale Chandmari kal·chakramo bi·rimaniko dakdilanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
