Shillong, June 27: A·dokni a·palchiniko ra·napbaenggipa na·tokrangoniko batanggimin somoio Food safety department-ni formalin samko nangana batpile jakkalaniko rim·a man·ani gimin, Mongolbar salo a·palchini sokbagipa na·tokrangko, Fisheries department-ni officer porikka ka·e nianiko dakangaha.

Gipinchiniko ra·napbagipa na·tokrangko sal 15-rangna sorkarini champengatani ja·man, Meghalaya-ni a·palchiniko trak garirango salbagipa rohu aro gipin na·tokrangko Mongolbaro, Shillong, Barabazar-o porikka ka·e nianiko dakenba uni sample-rangko chimonge ra·aha.

Champengatengani bidingo saksa na·tok pale cha·gipani koborna agananganio, a·palchini na·tokrango chemical gnang ba griko ma·sina porikka ka·atani report-ko on·na ja·manchakatani a·sel uamang bang·a neng·nikanirangko chagrongna gita nangenga ine janpatenba, na·tokranga joljol palna man·jagenchimode uarang rang·sanan gitchamningaiani gimin, uko pala-sim·anio neng·nikaniko man·jana gita sample-ni report-ko man·adipet gong·rakkale on·china chinga sorkario mol·molna nangnika ine ua aganangaha.

Indake ong·engon, a·dokni a·palchiniko ra·napbagipa rim·gital na·tokrangko a·doko donaniko, pala-sim·aniko batanggimin June 8 tariko sorkariniko champengatgiminko mija Sonibar saloni dipet ra·galatpilaniko Food Safety-ni Commissoner, RM Kurbah, u·iatangahachim ine nikatna man·a.

Iakoba poraie nina man·gen: Job Reservation-ni Office Memo-rangko Cabinet taridapa

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub