Shillong, June 27: Meghalaya Job Reservation-ni dingtang dingtang Office Memorandum-ko Meghalaya Cabinet taridapaha ine Mongolbar salo, a•dokni Chief Minister Conrad K Sangma parakataha.
Chief Minister-ni parakatani gitade, ia Office Memorandum-rangoni mingsara Reservation Policy aro Reservation Roster-na Personnel Department-ni Office Memorandum ong•a. 1972 bilsio ST aro SC-rangna bangbang ong•gipa biaprangni bidingo kamrang ge 9 ba una komina nanggen ine office memorandum-o janapahachim indiba da•ode reservation-o roster-ko ja•rikna siengahani gimin bangbang ong•enggipa kamrangna advertisement-ko on•engon, vacancy-ni kri ong•jawaha indiba roster point-ni gitasa ong•gnok ine Chief Minister parakataha.
1974 bilsio on•gipa Office Memorandum-ko taridapani gimin talatangengon, Garo category-na kanggimin kamrangko da•o Meghalaya a•dokni Garo candidate-rangsa gapataignok maina skangode ia Office Memorandum-ni gita gipin a•dokrangni Garorangkoba ia kamrango gapatna on•aiachim ine Chief Minister parakataha.
2020 bilsio, be•eni gita cholgri ong•gipa manderangna reservation roster-ni Office Memorandum-ko taridapani gimin janapatskaengon, be•enni gita cholgri ong•gipa manderangna reservation policy-o kangani krian reservation roster-koba ja•rikanggnok aro gitcham Office Memorandum-ko ja•rikjawaha ine Chief Minister parakataha.
District level-o kamna dorgasto galenggipa candidate-rangna reservation policy-ni Office Memorandum-o gital niamko ra•gataha aro uan District Selection Committee (DSC) gita dorgasto galenggipa candidate-rang, a•jatangtangni ku•sikchi dorgastorangko galna man•gnok.
Iakoba poraie nina man·gen: Manderangni namgninan administration, a·doko natok palaniko champengatenga ine skotong minister agananga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
