Shillong, June 14: India-ni salgro salaram jolrango songdongenggipa manderang, cancer sabisini a•selan  bilsini bilsina  neng•nikanirangko man•rongbaenggipa a•dok ong•enga. Bang•a manderang ia sabisiko ru•uta ja•mansa ma•sie, sana bananiko dakanio ru•utate, namatpilna  neng•nikanirangkoba man•ronga.

Ia jolrango tam•makku, jakkalbatgipa bang•ani, janggitangani bewalrang namgijani aro  ru•uta ja•mansa   ia sabisi man•aniko u•ie aro nama sana bananiko dakna man•jani a•sel ia sabisiko man•batenggipa jol ong•enga. Ia cancer sabisini a•sel  man•enggipa neng•nikarangoniko naljokatna  aro jolrango cancer sabisiko seng•gnang ma•sie seng•gnang sana bananirangko dakna man•atna  jotton ka•na ja•ku de•anio, Megahalaya a•dokni sorkari cancer sabisiko man•e sanirangko  man•na skang, seng•gnang u•ina aro seng•gnang sana bananiko dakna man•atnagita,  Meghalaya Mission Cancer Prevention and Early Detection,  program-ko  a•bachengataha.

Ia program, mingbonga  cancer-ni kenbegnigipa sabisiko porikka ra•na aro saa dongako rim•a man•a  ong•ode  seng•gnang sana bananiko dakangen. Ia program-na  dingtangmancha  nurse, doctor coordinator-rang aro  field staff-rangko dangdike on•na kamo rimnapaha aro a•dokni gimik bakrangona,  ia mission-ko gipatna aro  kam ka•angna gita dingtangmancha trained ba skie on•angaha.

Bang•a manderangan cancer sabisiko man•e saa man•a ja•mansa, sana bananiko dakna sanchakram biaprangona re•ronga, indake ia prgram-ara  saa man•aona sengchakgija,  songo nokona re•angenba cancer sabisiko screening ba porrika re•e nianirangko dakanggen  aro  iako uamang awareness campaign, screening camp, aro  outreach program-rangko ong•ate dakanggen.

Ia mission, kenbegnigipa sabisiko champengna aro seng•gang u•ina bilake kam ka•gipa ong•a, ine a•dokni Chief Minister Conrad K. Sangma, aganangaha.

A•dokko sanchakram biaprangkoba namdapatna gita, Medical education, nursing training, specialist facilities aro da•o rikenggipa  Shillong Medical College-rangna nanga gita tangka paisarangko jakkale, kamrangko ka•enga, ine ua agandapangaha.

Manderangko cancer sabisiko porrika ra•mane saa donganiko rim•a man•ani ja•manba uamangko   hospital aro  specialist-rangona watatna aro somoi gita  sana bananiko man•atan baksana  nirokanirangko  dakna nangkuanio, neng•nikanirangko man•kuenga, ine janapangenba.

Ia program-rangko ong•atanio chu•sokanide , cancer sabisiko seng•gnang ma•sina gita dakchakani  ong•aijawa indiba, saa man•giparangni sana bananiko dakanio dakchakanirangko on•na man•aniosa ong•gen, ine Health expert-rang  aganangaha.

Meghalaya a•dok, bang•a manderangko cancer sabisiko porrika re•e, saa dongako seng•gnang u•ie   uamangna ta•rake  sana bananirangko  dakna man•atgenchimode,  iara  India-ni salgro salram jolrangna aro gipin a•songrangnaba ia sabisiko champengna ba seng•gnang   ma•sie  dakchakaniko on•na man•anio,  namgipa dakmesokaniko ong•gen.

Na·simang iakoba nina man·gen: 

Na·simang iakoba poraina man·gen: Boko-o chang 16-gipa Baikho Pujako manianga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub