Guwahati, June 14: India aro Bangladesh a·songrangni gisepo donggipa No-Man’s land ba darangni sason ning·o ong·gijagipa biapo sak 9 manderangni jachange donga ja·man Assam-ni South Salmanpara-Mankachar a·jao donggipa manderangni gisepo jajrenganiko ra·baaha. U·iatani gitade, dolsa manderang Bangladesh a·songoni India a·songona napbana jotton ka·mittingko Border Security Force-rang champengrikaha.
Authority-rang uamang badia a·songoni ong·achim uarangko sandie nianiko dakengon, ia sak 9 manderang sima ari jolon dongkuenga. Mittam Bangladeshi social media-rango u·iatani gitade, ia jachange dongenggipa manderangara India-oni watatpilgiparang ong·a, indiba ia a·kangatanirang kakket ong·ama ong·ja mamingkoba officially u·iata dongkujaenga.
Official-rangni aganani gitade, official border procedure-o pangchake ia ong·enga obostako namgrikatna gita Border Security Force (BSF) aro Border Guard Bangladesh (BGB)-ni gisepgriko agan-golpogrikanirangko ong·atna tarisoengani gisepon, ia sak 9 jachange dongenggiparang badia a·songoni ong·a uarangko ma·siaha ong·ode, niamni gita uamangko a·songtangona watatpilgen.
Meghalaya-ni South West Garo Hills a·jao donggipa Nandirchar-o ia apsan dakgipa a·sel ong·ani adita salrang ja·man ia obosta ong·aniara jolo songdonggipa manderangko jajrengataha. Iandakgipa obostarang ong·aniara, sima ari jolo lekka pancha gri re·bagipa manderangko u·iani, uamangni kakket ong·ani aro napsrukbagiparangko watatpilanio neng·nikaniko chagrongna nanganiko mesoka.
Na·simang iakoba nina man·gen:
Na·simang iakoba poraina man·gen: Tripura-o World Blood Donor Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
