Tura, July 11: Meghalaya MUN Association ni ongatgipa 4gipa Garo Hills Model United Nations July 09 tarikoni 11 tarikona ICFAI University, Tura Campuso ong·ataha. Ia tom·anio bang·bea skie on·anirangko dakan baksana chadamberangni dakgni kamrangni giminba agan-talate on·angaha.
Chief Ministerni office and District Administration-ni dakchakachi ia programona ge·bonga districtni dingtang dingtang gadangni chatro-chatrirang aro chadamberang bakko ra·na re·baaha jeon uamang United Nationni ning·o a·songtang ba a·gilsak gimiko dingtang dingtang ong·enggipa obostarangni gimin gisik ra·atna chol ong·aha. Ua conference-o delegaterang bang·a committee sessionrango jekai jera ra·anirango aro policy discussionrango, jinmao aganna tariani, nama namgijako basena changani aro neng·nikanirangko maikai warachakgen uarangni gimin skie on·angaha aro uamangna awardko on·an baksana mande ra·anirangkoba dakangjolaha.
Ia conferenceko Karkutta ni MLA Rupert Momin mongsonggipa sokgipa ong·e skanggipa sal-o oprake on·aha. Unbaksana Meshuwa Kupar Mawtoh, MCS, uaba niksenggipa sokgiparangoni saksa ong·pae bakko ra·na re·baaha. Regional Director Dorang Dekamra M. Sangma aro Taiwan Ch Sangma Deputy Regional Director, Megh. jemangan ia GHMUN Associationko a·bachengataha uamangni dilanio aro agan-ku·patianio ia edition, ge 6 committee-rangko jekai UNGA DISEC, Model Legislative Assembly, UNCSW, UNEA aro UNHRC dolrangko soka chakaha. Ia conferenceko ua jolni aro a·dokni executive committee memberrang dakdilangaha.
Ia programni bon·kamgipa salo Dr. Gloria B. Sangma, Medical and Health Officer In-Charge, Matchakolgre Urban PHC, Don Bosco Collegeni Principal Fr. (Dr.) Jogesh B. Sangma aro Tura Campus ICFAI Universityni Assistant Professor aro Academic Coordinator Smti. Chompaboti Hajong aro uamang gita niksenggipa manderang bakko ra·angaha.
Na·simang iakoba nina man·gen:
Na·simang iakoba poraina man·gen: Assam sorkari, State Level Drug Disposal Programme-ko ong·atanio kror 472.51 damni pekgipa bosturangko nosto ka·e gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
