Nalbari, July 12: Robibar salo, Assam a·dok sorkari Assam-ko pekatgipa bosturangko jakkala gri ong·atna on·kanganiko mesokani bak gita, Nalbari a·jani Daolasal-o State-Level Drug Disposal Programme-ko ong·atani somoio kror 472.51 damni pekatgipa bosturangko nosto ka·e galaha.
Skotong Minister Dr. Himanta Biswa Sarma, Finance Minister Jayanta Malla Baruah, DGP Harmeet Singh aro gipin a·gipibatgipa official-rangba ia program-o dongpae bak ra·angpaaha. Skotong Minister, rim·a man·gipa pekatgipa bosturangko nosto ka·e galaniko dakmitingo gisik ra·na ja·ku de·ani bak gita bulldozer ba a·a jetgipa garichi saljetdapaha. Dr. Himanta Biswa Sarma tom·anio jinmana aganprakengon, ia rim·a man·gipa drugs-rangkoara court-oniko ra·chakaniko man·a baksana niamni gita pilak dakna nanggnirangko matchotatna ja·man nosto ka·e galaniko dakangaha ine aganangaha. Assam police, batanggimin bilsi 5-ni gisepo NDPS Act-ni ning·o pekatgipa ringanirang baksa bak nangpagipa gipin niam pe·ani ming 3,300 case-rangko segataha ineba ua u·iatangaha.
Skotong Minister, Assam a·dokona niamgri ra·baenggipa pekatgipa ringanirangko, Myanmar a·dokoni Mizoram aro Manipur a·dok gita ra·baenga ine u·iatangaha. Iani gisepon, pekatgipa bosturangko badingsrukaniko champengatna namgipa kobor on·ani, dingtang dingtang dolrangni gisepo nambate kamrangko ka·ani, chasong gitalni kolrang aro jinma manderangni dakchakaniko nangchongmotaniko ua u·iatangaha. Pekgipa bosturangko badingsrukgipa dolrang drug-rangko donuna aro rim·a man·gnioniko jokna gita gital cholrangko jakkalenga ineba ua u·iatangkuaha.
Na·simang iakoba nina man·gen:
Na·simang iakoba poraina man·gen: Garo Hillso Golf Kal·susaaniko Skie Ra·na Sikgiparangna Namgipa Chol ong•aha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
