Shillong, Jul 11: Meghalaya a·dokni dingtang dingtang bakrango jimbee mikkarang waani a·sel dam 32 songrango chi ban re·aha. A·dokni Skotong Minister Conrad K Sangma iandakgipa somoirangna mikkangchi simsake dongchina District Administration-rangko mikrakataha aro nangchakea man·gipa jolrango bakan dakchakaniko on·a mikrake dongchina ge·etaniko on·ataha.
Deputy Commissioner-rang baksa vedio conference gita golpogrikengon Sangma, chi ban re·gipa aro a·a rugipa biaprangko niroke kobor ra·jringchina aro mikrake dongchina didiataha. Indake, India Meteorological Department (IMD) -ba July 15 tarikona kingking jimbee mikkarang wagen ine parakataha.
Official-rangni aganani gitade ia salrango mikka jimbee waanichi Garo Hills aro Khasi Hills-ni adita bakrango a·a ruani, chi ban re·ani aro a·mang jo·olanirangko ong·atenga ine u·ina man·a. Ia a·sel ong·anio darangni janggiba gimmata dongja ine uamang parakatskaaha.
Skotong Minister, chi ban re·anio aro a·a ruanio nangchakeako man·giparangna dakchakaniko on·a tarisamsoe dongchinaba a·jani Administration, block-level-o naljokatgipa dolrang aro line Department-rangko ge·etataha.
Unbaksana, ia a·selrangchi nosto ong·atako man·gipa rama jal·langrangko tarichengchinaba ua official-rangko ge·etaha. South Garo Hills a·jani Gasuapara-o donggipa Mineng Bailey dolongni nosto ong·akoba ua nirokangaha aro ia dolongko tarikuja dipet re·runa jakkalenggipa ramakoba nirokangenba ia dolongko ta·rakkale tarichina official-rangko didiangaha.
Indake, ia a·selo nangchakea man·gipa nokdangrangnaba ja·manchakgijan dakchakaniko on·china aro nangchong·motgipa bosturangko sokate on·china aro obostarangko nirokjringenba a·dok sorkarina koborko on·jringchinaba ua ge·etataha.
A·dok sorkari, a·a ruronggipa aro chi ban re·ronggipa biaprangoni chele dongchina aro mikka jimbee waani somoirango nangchong·motana agre a·brijolona songreaniko dontongchina aro an·tangtangna simsak naljoke dongchina songdongenggipa manderangko didiataha.
Na·simang iakoba nina man·gen:
Na·simang iakoba poraina man·gen: Manipur-ni Imphal West-o galchipe donenggipa te·bri nokko wa·al kama
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
