Boko, Jun 14: Chang 16-gipa Baikho Pujako, Boko Regional All Rabha Students’ Union, Rabha Women’s Council, aro Sixth Schedule Demand Committee, Boko-ni Baikho Hadam-o maniangaha.
Ia manianiko nisan songdoachi a·bachengatenba, sianggipa manderangna mande ra·pilani, bol ge·ani aro Rabha kamalrangni dilanichi, mitena kritanirangko dakdilangaha.
Ia Baikho Pujako maniani bidingo, All Rabha Students Union (ARSU) Boko regional unit-ni president Sujit Rabha, talate on·angengon, ia puja manianio, do·o aro wakrangko miterangna boli on·a aro ia pujako maniani bak gita ‘Bohurongi’ chroksusaaniko ong·ataha ine parakataha. Ia chroksusaanio Boko jolrango donggipa dol 13 chrokgiparang bak ra·angaha aro chroksusaanio, Khenapara jol skanggipa boksisko aro Pub Turukpara dol, gnigipa boksisko cheangaha ine ARSU Kamrup District-ni assistant secretary Ankur Rabha parakatskaaha.
Ia bilsianti ong·atenggipa Baikho Pujako, Rabha jatni daka rikanirangko ripinge rakkina gita ong·atrongenga ine ARSU Boko unit-ni president Dibya Rabha parakataha.
Ia Baikho Pujako manianio dingtangmancha me·asa aro me·chikrangna, ‘Lewatana’ ba budu salgrikanikoba ong·ataha aro budu salgrikanio chegiparangna tangkarangko boksis dake on·angaha.
Na·simang iakoba nina man·gen:
Na·simang iakoba poraina man·gen: Amit Shah, India-ni Salgro Salaram jolko re·baenggipa bilsionide AFSPA gri ong∙na ka·dongsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
