Shillong, June 26: A·palchiniko ra·napbagipa na·tokko a·doko palaniko champengatengani gimin a·dokni skotong minister Pa Conrad K Sangma, Sombar salo an·tangni suk ong·chakgijaniko parakangenba, pilak naljokani gnanggipa cha·aniko on·ani bidingo administration-ni ja·kurangko de·atenganiara a·dokni manderangni namgnina aro an·seng-baljokaninan ong·a ine manderangni ma·sichakgnini gimin ua an·tangni ka·dongenganiko parakangaha.

A·palchini sokbaenggipa na·tokrango, mongsongbate Andhra Pradesh a·dokoni na·tokrangoniko food safety department-ni batanggimin somoio formalin samko rim·a man·ani ja·man a·palchiniko ra·napbagipa na·tokrangko palaniko a·doko champengatahachim ine nikna man·a.

“Sigiminko soatgijanina jakkalgipa formalin sam ba chemical-ko mitam na·tokrangoniko man·aniara uko cha·soenggipa mande sakantinan nama ong·ja aro cancer saatna man·a ine an·ching sakantian ma·sina nanggen aro ia chemical-rang na·toko dongna nangjachim ine Pa Sangma aganangenba, na·tokrang aro minggipin cha·ani bosturangko a·dokna nanganiko chinga ma·sichaka aro ia neng·nikaniko komiatna gita sorkari amadipet cholrangko sandie nienga, indiba ia somoio a·doko songdonggipa manderangna an·seng-baljokaniko on·anisa chingni mongsongbatgipa kam ong·enga ine skotong minister parakataha.

Iakoba poraie nina man·gen: Tura-o International Day Against Drug Abuse-ko manianga

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub