Tura, May 18: Tura-ni PA Sangma Stadium-o Tura Football League-ni chang 20-gipa kal•anio, BOCA Juniors-rang, Druma Sandruma-ko 6-2 goal-rangchi amataha.
Kal•ani a•bachengao, Druma Sandruma nambee kal•genchim ong•oba, bonkamao BOCA Juniors-rang 2-gipa neng•taka jaman ga•subatangskaaha.
Ia kal•susaaniko, dolgnini bilsubee kal•anichi a•bachengataha, indake kal•ani minute 2 ong•on, Druma Sandruma-ni Nengsrang Marak, goal 1-ko chipatchengaha. Indake ia kalsusaanio, Druma Sandruma-ni kalanirang namangan baksanaba Changrim Sangma-ba minute 43-ni gisepo goal 1-ko chipenba score-ko 2-0 ong•ataha.
Indake ong•engon, neng•taka jaman kaltaina re•bahaon BOCA Juniors-rangni kal•ani namen bilsubana a•bachengaha, aro indake BOCA Juniors-ni Salrim Marak, minute 56 aro 57-o joljol robol-rangko chipenba score-rangko apsangrik ong•ataha, indake dikdiksani gisepon, BOCA Juniors-ni Sixbirth Sangma-ba, minute 58 ong•o goal 1-ko chipenba scrore-rangko batatna dakchakskaaha.
2-gipa neng•takani jaman, BOCA Juniors-rang robol-rangko namen rakkie kalna man•enba, changsatai Salrim Marak, minute 62 aro 69-o goal 2-ko chiptaiataha. Iani gisepon, bon•kame BOCA Juniors-ni Bamty Sangma, minute 85 ong•o goal 1-ko chipatenba score 6-2-rangchi Druma Sandruma-ko am•chepataha.
BOCA Juniors-ni Silbal Sangma aro Prinsbar Sangma, minute 17 aro 21-o yellow card-ko man•aha, indake Druma Sandruma-oni Bilcham Sangma-ba, 2-gipa neng•takani jaman minute 55 ong•o yellow card-ko man•skaaha.
Na·simang ia video-koba nina man·gen:
Na·simang iakoba poraina man·gen: 25 acre a•arangko manderangni namgnina jakkalanggen :CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
