Tura, Jun 24: Tura Football League 2026-2027-ni gnigipa salo, Second Division-ni robol kal·susaaniko Tura-ni Chandmari-o donggipa GBHSS kal·chakramo ong·atangaha, jeon skanggipa robol kal·susaanio Morning FC aro Dakopgre YSCC-ni gisepo kal·angenba, dolgnian goal 2-2-ko chipe biltinggrikaha aro gnigipa kal·anio Megonggre SCC, Nikwatgre SCC-ko goal 3-goal 2-chi cheangskaaha.

Skanggipa kal·anio Dakopgre YSCC, toss-ko cheenba, nambee kal·na a·bachengaha aro uandaken kal·ani 18-gipa minute-o Dakopgre-ni Bilco A Sangma, skanggipa goal-ko chipe on·chengna man·aha. Uni ja·man kal·ani minute 21-gipaoba apsan dolni Bebeon Chejring M Marak, goal-sako chipdapna man·aha. Indake ong·genchimoba, uni ja·man Morning FC, bilakbate kal·na a·bachengskaaha aro kal·ani 22-gipa minute ong·on, Morning FC-ni Tesan R Marak, goal-sako chipe, minute 34-gipaoba goal-gipinko chipdapenba, Dakopgre YSCC baksa apsan ong·atna man·aha.

Iani ja·man dolgnian goal-rangko chipdapna krengbee kal·ahaoba goal-ko chipdapna man·jaha aro dolgnian goal 2-2 ong·e biltinggrikaiaha.

Ia apsan salon, Megonggre SCC aro Nikwatgre SCC dolrangba kal·susaangaha aro ia kal·susaanio, Nikwatgre SCC-ni Billyat R Marak, kal·ani minute 5 ong·kuengmitingon skanggipa goal-ko chipchengna man·aha. Uni ja·man Megonggre SCC-ba bilake kal·angskaaha aro Megonggre dolni Tengsak T Sangma, kal·ani minute 10-gipao goal-sako chipskana man·aha.

Uni ja·man kal·ani minute 16-gipaoba Megonggre SCC-ni Tengsim Momin, goal-sako chiptaina man·aha indiba kal·ani minute 35-gipaon Nikwatgre SCC-ni Billyat R Marak, gnigipa goal-ko chipskana man·aha.

Bon·kamao, Megonggre SCC-ni Tengsim Momin, kal·ani 48-gipa minute-o goal-sako chipdaptaie, Megonggre SCC goal 3-goal 2-chi Nikwatgre SCC-ko cheangaha.

Bristibar saloba ia apsan GBHSS kal·chakramon Group C-ni match ge·gniko ong·atanggen aro uan skanggipao Seltang FC aro Jendra FC kal·enba, gnigipao Nokrek Medan baksa Dura Wa·saa dol kal·angskagen.

Na·simang iakoba nina man·gen: 

Na·simang iakoba poraina man·gen: Kokborok ku·sikna Roman oikorko dabie TSF jingjengata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub