Shillong, Jun 24: Jaintia Hills a•jao koela bikotaniko a•bachengpiltaina man•na gita ‘Mines and Minerals (Development and Regulation) Act, 1957’, ‘Mineral Concession Rules, 1960’, aro ‘Coal Mines (Special Provisions) Act, 2015’-ko President-ni jakchi taridapchina didie Budbar salo, Jaintia Hills Autonomous District Council (JHADC), resolution-ko pass ka•angaha.
JHADC-ni Chief Executive Membor (CEM) Thombor Shiwat-ni parakatani gitade, Parliament-ni maming niamrang, Meghalaya a•dokni autonomous district-na nangchakeani dongjana gita ba donggenchimoba, ua niamrangko taridapna gita Indian Constitution-ni ning•o on•gipa Sixth Schedule-ni Paragraph 12A(b)-o India a•songni President-na bilko on•a.
Meghalaya sorkari baksa All Dimasa Students Union aro Dima-Hasao District Committee-ni jera ra•grikanio, a•a nokgiparang aro songni nokni nokgiparang, a•ani kosako bil man•a ine 2019 bilsini July 3 tariko India-ni Supreme Court raiko on•manahani gimin Tribal-rang, an•tangtangni a•arang aro a•ningo donggipa gamni nokgiparang ong•a ineba Shiwat parakataha.
Environment (Protection) Act, 1986; Water (Prevention and Control of Pollution) Act, 1974; Air (Prevention and Control of Pollution) Act, 1981; Forest (Conservation) Act, 1980 aro National Green Tribunal (NGT) baksana Supreme Court-ni pilak ge•etanirangkon rakkina gitaba JHADC tik ka•angaha.
Iani bidingo jinma ning•tue chanchirimangani ja•man, JHADC-o resolution-ko pass ka•angaha.
Na·simang iakoba nina man·gen:
Na·simang iakoba poraina man·gen: Tea Estate-o kam ka⸱gipa saksa mande sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
